რუსეთი პოლონეთს „იამალის“ მილსადენით ბუნებრივ გაზს აღარ აწვდის, რის გამოც პოლონეთის გარემოს დაცვის სამინისტროში კრიზისული ჯგუფი შეიკრიბა. ამის შესახებ გამოცემა Onet საკუთარ წყაროებზე დაყრდნობით წერს.
მიიღე ინფორმაცია უფრო სწრაფად „კომერსანტის“ Telegram-ზე.
რუსულ მედიას პოლონეთის ენერგეტიკულ კომპანიაში PGNIG დაუდასტურეს მიწოდების შეწყვეტა და აღნიშნეს, რომ კომპანიას ამასთან დაკავშირებით გაზპრომისგან ოფიციალური განმარტება არ მიუღია. PGNIG–ის წარმომადგენელი ვარაუდობს, რომ გაზის შეწყვეტა რუსეთის მოთხოვნის დაუკმაყოფილებლობას უკავშირდება, რაც გაზის საფასურის რუბლში გადახდის ვალდებულებას ითვალისწინებს „არამეგობრული“ ქვეყნებისთვის.
Onet–ის წყაროები ამტკიცებენ, რომ რუსულ მხარეს პოლონეთისთვის ინფორმაცია არ მიუწოდებია გაზის შეწყვეტასთან დაკავშირებით.
პოლონეთის მთავრობის თავმჯდომარემ პეტრ ნაიმსკიმ დღეს, 26 აპრილს განაცხადა, რომ პოლონეთი რუსეთს გაზში რუბლს არ გადაუხდის. პოლონეთის ენერგოკომპანიაში კი განაცხადეს, რომ ქვეყანას გაზის მიღება სხვადასხვა მიმართულებებიდან შეუძლია, რის შესაძლებლობასაც შესაბამისი ინფრასტრუქტურა იძლევა.