ომი და ფარული ხარჯები ანადგურებს რუსეთის ბიუჯეტს, ასეთი სათაურის სტატიას აქვეყნებს Bloomberg. სააგენტო წერს, რომ რუსეთის ხელმძღვანელობა საზოგადოებას უპრეცედენტო ბიუჯეტის ხარჯვას უმალავს, ექსპერტები ვარაუდობენ, რომ რუსეთში ფედერალური ბიუჯეტის დეფიციტი მშპ-ს 3-4%-ს მიაღწევს.
რუსეთი მალავს თავისი ბიუჯეტის დანახარჯების უპრეცედენტო მესამედს, რაც აშკარად მიუთითებს იმაზე, თუ როგორ შეცვალა უკრაინის წინააღმდეგ ერთწლიანმა ომმა სახელმწიფოს ფინანსები და ეკონომიკური პრიორიტეტები.
რუსეთის ფინანსთა სამინისტროს მონაცემებით, ფარული ხარჯები 24 მარტისთვის 2,4 ტრილიონ რუბლამდე (31 მილიარდი აშშ დოლარი) გაიზარდა, რაც ერთი წლის წინანდელ ანალოგიურ მაჩვენებელზე 2-ჯერ მეტია. ამის შესახებ Bloomberg Economics-ი წერს.
დანახარჯების წილით, მთავრობის სოციალური პროგრამების შემდეგ, რუსულ სამხედროებზე დანახარჯების მატებასთან ერთად, თავდაცვა მეორე ადგილზეა.
„ეროვნულ თავდაცვაზე“ დანახარჯებმა 24 მარტის მდგომარეობით 531 მილიარდ რუბლს მიაღწია, რაც გაორმაგებული მაჩვენებელია წინა წელთან შედარებით, კიდევ 379 მილიარდი რუბლი გადავიდა უშიშროებასა და სამართალდამცავ ორგანოებში.
რუსეთის ფინანსთა მინისტრმა ანტონ სილანოვმა განაცხადა, რომ მთავარი მიზეზი, რის გამოც ბიუჯეტი ასეთ მინუსშია, არის წინასწარი გადასახადები ბიზნესისა და ეკონომიკის მხარდასაჭერად. მაგრამ მონაცემები აჩვენებს, რომ ყველაზე დიდი ზრდა თავდაცვის ხარჯებზეა, წერს Bloomberg-ი.
ექსპერტები ვარაუდობენ, რომ წელს რუსეთის ფედერალური ბიუჯეტის დეფიციტი მთლიანი შიდა პროდუქტის 3-4% იქნება.