იანვარ-ოქტომბერში რუსეთსა და ჩინეთს შორის სავაჭრო ბრუნვა 33%-ით გაიზარდა 153,938 მილიარდ დოლარს მიაღწია. აღნიშნულის შესახებ ინფორმაციას ჩინეთის მთავარი საბაჟო ადმინისტრაციაზე დაყრდნობით tass ავრცელებს.

როგორც გამოქვეყნებული მონაცემებიდან ირკვევა, ჩინეთიდან რუსეთში ექსპორტი 10 თვის განმავლობაში გაიზარდა 12,8%-ით და შეადგინა დაახლოებით 59,596 მილიარდი დოლარი, ხოლო რუსული საქონლისა და მომსახურების იმპორტი გაიზარდა 49,9%-ით და 94,342 მლრდ აშშ დოლარი შეადგინა.

რუსეთის ფედერაციიდან ჩინეთში იმპორტირებული საქონლის დიდი ნაწილი ნავთობზე, ბუნებრივ აირზე და ქვანახშირზე მოდის. ჩინური მხარის ინფორმაციით, ძირითადი იმპორტი რუსეთიდან მოიცავს ასევე სპილენძისა და სპილენძის მადანს, ხე-ტყეს, ზღვის პროდუქტებს და სხვა. ჩინეთი რუსეთის ფედერაციაში ახორციელებს პროდუქციის ფართო ასორტიმენტის ექსპორტს, რომლის მნიშვნელოვანი ნაწილია სმარტფონები, სამრეწველო და სპეციალიზებული აღჭურვილობა, საბავშვო სათამაშოები, ფეხსაცმელი, მანქანები, კონდიციონერები და კომპიუტერები.

წელს რუსეთი და ჩინეთი ვაჭრობის 200 მილიარდ დოლარამდე გაზრდას აპირებენ.