ამერიკული კომპანია, Yum! Brands რუსეთში KFC-ის სწრაფი კვების რესტორნების ქსელის ადგილობრივ ოპერატორზე მიყიდვას გეგმავს. ამის შესახებ კომპანიის ვებგვერდზე გამოქვეყნებულ განცხადებაში არის ნათქვამი.
გარიგება გულისხმობს ყველა რესტორნის, საოპერაციო სისტემისა და უფლებების გადაცემას მასტერ-ფრენჩაიზისთვის, რომლის ფარგლებშიც ფრენჩაიზული რესტორნების ქსელი ფუნქციონირებს. გარიგების დასრულების შემდეგ Yum! Brands რუსეთის ბაზრის მთლიანად დატოვებას აპირებს.
ივნისში კომპანიამ თავისი მეორე ცნობილი ქსელი, Pizza Hut რუსეთში ადგილობრივ ოპერატორს მიჰყიდა. გარიგების ფარგლებში, მასტერ-ფრენჩაიზის პოლონურმა მფლობელმა, Amrest-მა ქსელი რუსულ კომპანიას Yum! Brands-ის თანხმობით გადასცა. ახალმა მფლობელმა ქსელის რებრენდინგი დაიწყო. მყიდველი კომპანია, Noy-M-ია, რომელიც „როსტიკ“ ჯგუფის ტოპ მენეჯერებმა დააარსეს. ის რესტორნებს, IL Patio-ს, Planet Sushi-სა და T.G.I. Friday’s-ს მართავს.
9 მარტს Yum! Brands-მა გამოაცხადა, რომ რუსეთში რესტორნებს აჩერებს, თუმცა ის პირდაპირ მხოლოდ 70 ობიექტს ფლობდა, მაშინ, როცა ქვეყანაში KFC-ისა და Pizza Hut-ის ბრენდებით მთლიანად 1100-ზე მეტი რესტორანი ფუნქციონირებდა. მანმადე Yum! Brands-მა, ასევე, გამოაცახადა, რომ რუსულ ბაზარზე ინვესტიციებსა და განვითარებას წყვეტდა და რუსეთში მთელ ოპერაციულ მოგებას ჰუმანიტარულ მიზნებს მოახმარდა.
bpn.ge