რუსეთში ლუქს-ბრენდების მეორეული ბაზრის ბუმია. ძვირადღირებული საქონლის დეფიციტისა და ფასების ზრდის გამო, მდიდარი რუსები მეორეული მოხმარების მაღაზიებზე გადადიან. ამის შესახებ Forbes-ი წერს.
2022 წელს ამ სეგმენტში ერთდროულად რამდენიმე რიტეილერი გამოჩნდა, რომლებმაც მოსკოვის მოდურ ქუჩებზე მეორეული საქონლის ბუტიკები გახსნეს. გამყიდველები აცხადებენ, რომ მეორეულ საქონელზე მოთხოვნა წლის განმავლობაში საგრძნობლად გაიზარდა.
ფუფუნების საქონლის მწარმოებლებმა ბრენდებმა Chanel-მა, Christian Dior-მა, Louis Vuitton-მა, Gucci-მ და სხვა ცნობილმა ბრენდებმა რუსული ბაზრის დატოვების შესახებ განცხადებები 2022 წლის მარტიდან გააკეთეს. ონლაინ პლატფორმები, როგორიცაა Farfetch-ი და Yoox-ი, რომლებიც პრემიუმ ბრენდებს ყიდიან, სანქციების გამო რუსებისთვის მიუწვდომელი გახდნენ. FCG-ის მიხედვით, ევროპულ და ამერიკულ ბრენდებს, რუსეთში ლუქს-ბრენდების ბაზრის 80%-ზე მეტი ეკავა.
გამოცემის მონაცემებით, გაზრდილი მოთხოვნის და დაბალი ფასების გამო, რუსეთში მაღალი მოდის მეორეულ ბაზარზე 10-მდე დიდი სავაჭრო პლატფორმა მუშაობს. Formbes-ი წერს, რომ პრემიუმ მეორეულ მაღაზიაში საქონლის ფასი 30-40%-ით, ზოგჯერ 80-90%-ით ნაკლებია ახალი საქონლის ფასზე.
რუსეთი
