რუსეთში მომღერალ ვალერი მელაძისთვის მოქალაქეობის ჩამორთმევას ითხოვენ. მიზეზი 2 იანვარს გავრცელებული ვიდეო გახდა, სადაც ერთ-ერთ კორპორატიულ საღამოზე ვალერი მელაძე შეძახილზე „დიდება უკრაინას“, მიკროფონს მიღმა, მაგრამ მაინც პასუხობს „გმირებს დიდება“.
ვალერი მელაძისთვის სახელმწიფო წოდებებისა და მოქალაქეობის ჩამორთმევის ინიციატივით გამოვიდნენ სახელმწიფო დუმის დეპუტატი სერგეი მირონოვი და ფედერაციის საბჭოს წევრი ელენა აფანასიევა.
„ორ სკამზე ზის და ყველა მხრიდან ცდილობს რაღაცის წაგლეჯას. დროა გადაწყვიტოს. თუმცა ამ საქციელით თუ ვიმსჯელებთ „ხელოვანმა“ უკვე აირჩია თავისი მხარე. გთავაზობთ ჩამოვართვათ ყველა ტიტული, რაც აქვს. ეს იქნება იქნება ღირსეული და სამართლიანი,“ - განაცხადა მირონოვმა.
ელენა აფანასიევამ მომღერლის სიტყვებს პირუტყვობა და ღალატი უწოდა. ამისთვის მელაძეს არა ტიტულები, არამედ რუსეთის ფედერაციის მოქალაქეობა უნდა ჩამოერთვას. - განაცხადა აფანასიევამ.
თებერვალში უკრაინაში რუსეთის სრულმასშტაბიანი შეჭრის შემდეგ ვალერი მელაძემ სოციალური ქსელში ვიდეო გამოაქვეყნა და ომის შეწყვეტის მოწოდებით გამოვიდა. ზაფხულში ცნობილი გახდა, რომ მომღერალი რუსეთში აკრძალული არტისტების შავ სიაში იყო.