რუსი მილიარდერი ინვესტორი იური მილნერი უკრაინელ ლტოლვილებს 100 მილიონ დოლარს შესწირავს. ბიზნესმენისა და მისი მეუღლის იულიას მიერ დაარსებულმა ფონდმა Breakthrough Prize-მა წამოიწყო Tech for Refugees ინიციატივა, რომელშიც ასევე ჩაერთვება ძირითადი IT კომპანიები, მათ შორის Airbnb, Flexport და Spotify, ნათქვამია პროექტში.
მიიღე ინფორმაცია უფრო სწრაფად „კომერსანტის“ Telegram-ზე.
Breakthrough Prize-ის მიერ შემოწირული თანხის უმეტესი ნაწილი მოხმარდება უკრაინის კონფლიქტით დაზარალებულთა დახმარებას, სამომავლოდ კი ინიციატივა სხვა რეგიონებიდან ლტოლვილებსაც შეეხება.
„ჩვენ შოკირებული ვიყავით უკრაინელი ხალხის ტანჯვით. ჩვენ გვჯერა, რომ ამ ინიციატივას, რომელიც დაიწყო მსოფლიოს ყველაზე კრეატიულ ტექნოლოგიურ კომპანიებთან და ორგანიზაციებთან პარტნიორობით, შეუძლია პრაქტიკული დახმარება გაუწიოს ადამიანებს, რომლებიც ცხოვრობენ თავიანთი სამშობლოს გარეთ“, - ნათქვამია იური და იულია მილნერების განცხადებაში.
ამერიკული Forbes-ის ცნობით, ინიციატივაში მონაწილე Airbnb, Flexport და Spotify არის კომპანიები, რომლებსაც აქვთ ინვესტიციები Milner DST Global ფონდიდან. კერძოდ, საინვესტიციო ფონდმა მონაწილეობა მიიღო Airbnb-ის სერიის B რაუნდში 2011 წელს.
FORBES.RU