რუსმა ოლიგარქმა მიხაილ გუცარიევმა, რომელიც უკრაინული სანქციების ქვეშაა, კონფისკაციის თავიდან აცილების მიზნით, თავისი ქონება უკრაინაში გადაარეგისტრირა და ახლა მფლობელი თურქეთის მოქალაქე დოგან მესუთია.  ამის შესახებ ნათქვამია Trap Aggressor-ის გამოძიებაში.

რუსი ოლიგარქი მიხაილ გუცარიევი მთავარი აქციონერია კომპანია „საფრანის“, ამ კომპანიის შემადგენლობაში შედიან კომპანია „როსნეფტი“, ნავთობკომპანია „ნეფტისა“, „რუსკი უგოლ“ და “მოსპრომსტროი“. ოქტომბერში ის უკრაინის სანქციების ქვეშ მოექცა.

Trap Aggressor-ის გამოძიებაში ნათქვამია, რომ კიევთან ახლოს 80 000 მ2 ფართობის თანამედროვე ლოგისტიკური საწყობები, რომლებიც კომპანია „საერთაშორისო ლოგისტიკის პარტნიორობა - ჩაიკას“ ეკუთვნის, თურქ ბიზნესმენს 12 დეკემბერს გადაურეგისტრირეს.

მანამდე, 25 აგვისტოს, პეჩერსკის რაიონულმა სასამართლომ ეს შენობა დალუქა, გამოძიების თანახმად, კომპანია „საერთაშორისო ლოგისტიკის პარტნიორობა - ჩაიკა“ არის რუსული საწარმოების „საერთაშორისო ლოგისტიკური პარტნიორობის“ სტრუქტურის ნაწილი, რომელიც თავის მხრივ არის „საფრანის“ ბიზნეს ჯგუფის ნაწილი, რომელიც უშუალოდ გუცარიევს ეკუთვნის.

გამოძიებამ დაადგინა, რომ გუცარიევი მუდმივ მხარდაჭერას უწევს რუსეთის ხელისუფლებას, განსაკუთრებით თავდაცვისა და უსაფრთხოების ბლოკს და დაჯილდოებულია რუსეთის ფედერაციის არაერთი სახელმწიფო ჯილდოთი.

„საერთაშორისო ლოგისტიკის პარტნიორობა - ჩაიკას“ დალუქული ლოგისტიკური საწყობები, ერთ თვეზე ნაკლებ დროში ისევ გაიხსნა. შესწავლის შედეგად დადგინდა დალუქვამდე რამდენიმე წლით ადრე, ქონება სხვა პირზე, უკრაინელ ვიქტორია კუშჩზე იყო გადაცემული. მისი ადვოკატის მტკიცებით, კუშჩს უამრავი მადლობა აქვს უკრაინის შეიარაღებული ძალებისგან, ჯარისა და ეროვნული პოლიციისგან  მიღებული და მისი საქმიანობიდან მიღებული თანხები კონსტიტუციური წესრიგის ხელშეუხებლობისთვის გამოიყენებოდა. სასამართლომ ადვოკატის შუამდგომლობა დააკმაყოფილა და დაადგინა, რომ საწყობები დაუსაბუთებლად დაილუქა.

მაგრამ როგორც Trap Aggressor-მა დაადგინა, კუში 2014 წლიდან ცხოვრობს რუსეთის ფედერაციაში და ასოცირდება რუს ოლიგარქ მიხაილ გუცერიევთან. ამ გამოძიების შედეგების გასაჯაროების შემდეგ იურიდიულ პირთა რეესტრში ცვლილებები გაჩნდა და ახლა კომპანიის ბენეფიციარი თურქეთის მოქალაქე დოგან მესუთია.

გამოძიების ავტორებს მიაჩნიათ, რომ ამგვარი ცვლილება შესაძლოა მიუთითებდეს ოლიგარქ გუცერიევის განზრახვაზე, რომ  ყველანაირი საშუალებით აიცილოს უკრაინაში ბიზნესის დაკავება და ჩამორთმევა.