ევროკავშირის საგარეო პოლიტიკის უფროსმა ჯოზეფ ბორელიმ განაცხადა, რომ ევროკავშირი რუსული და ჩინური დეზინფორმაციული არხების წინააღმდეგ ახალ კამპანიას იწყებს.
ე.წ. ინფორმაციის გაზიარებისა და ანალიზის ცენტრი - European External Action Service (EEAS), რომელიც ევროკავშირის საგარეო პოლიტიკის სამსახურის დაქვემდებარებაშია - შეეცდება, რომ მონიტორინგი გაუწიოს უცხოური სუბიექტებს მიერ ინფორმაციის მანიპულირებას და კოორდინაცია გაუწიოს პროცესებს ევროკავშირის 27 ქვეყანაში, ამის შესახებ Politico წერს.
„მანიპულირებაში ჩართული მონაწილეების გამოვლენისთვის უნდა ვიცოდეთ, თუ როგორ არის ორგანიზებული ეს დეზინფორმაციული კამპანიები,“ - თქვა ბორელიმ. ეს საშუალებას მოგვცემს უკეთ გავიგოთ წარმოშობილი დეზინფორმაციული საფრთხეები და ნარატივები და უფრო სწრაფად ვიმოქმედოთ მსგავსი საკითხების გადასაჭრელად.
ბორელიმ ასევე განაცხადა, რომ მოსალოდნელია გამოჩნდეს დეზინფორმაციის „ახალი ტალღა“ ყალბი სურათებით, ვიდეოებით და ვებსაიტებით, რომლებიც სოციალურ მედიასა და მესინჯერ-სერვისებში დეზინფორმაციას სინათლის სიჩქარეზე ხუთჯერ სწრაფად გაავრცელებს.
ევროკავშირის დეზინფორმაციის ჯგუფმა Stratcom-მა, თავის პირველ ანგარიშში აღნიშნა, რომ 2022 წელს უცხოური ინფორმაციის მანიპულირების დიდი ნაწილი ფოკუსირებული იყო ნარატივებზე, რომლებიც მხარს უჭერენ რუსეთის შეჭრას უკრაინაში. ამ მხრივ განსაკუთრებით რუსეთის და ჩინეთის დიპლომატიური არხები აქტიურობდნენ.