2022 წელს რუსული ბუნებრივი აირის ექსპორტი პოსტსაბჭოთა მინიმუმამდე დაეცა - ამის შესახებ ინფორმაციას გამოცემა Bloomberg ავრცელებს, მათივე ცნობით, რუსული ბუნებრივი აირის მომხმარებელი ქვეყნების უდიდესმა ნაწილმა რუსეთის უკრაინაში შეჭრის გამო იმპორტი შეწყვიტა, გარდა ამისა მილსადენი საიდუმლოებით მოცული აფეთქებით დაზიანდა.
ევროკავშირი, რომელიც რუსული ნავთობის და გაზის ტრადიციული უმსხვილესი მომხმარებელი იყო, წლების განმავლობაში რუსულ ენერგიაზე დამოკიდებულების შემცირებაზე საუბრობდა, თუმცა ბრიუსელმა ეს გადაწყვეტილება რუსეთის მიერ უკრაინაში შეჭრის შემდეგ მიიღო.
სახელმწიფოს მიერ კონტროლირებადი „გაზპრომის“ აღმასრულებელი დირექტორი და ვლადიმერ პუტინის დიდი ხნის მოკავშირე ალექსეი მილერი აცხადებს, რომ ბუნებრივი აირის ექსპორტი, ყოფილი საბჭოთა კავშირის ქვეყნებს ფარგლებს გარეთ, წელს 100,9 მილიარდ კუბურ მეტრს მიაღწევს.
რუსული გაზის ექსპორტი საკვანძო ბაზრებზე 2022 წელს 2021 წლის მაჩვენებელთან შედარებით შემცირებულია 46%-ით, რაც საუკუნის დასაწყისის მინიმალური მაჩვენებლის ტოლია. მოპოვებული გაზის მოცულობა, რომელიც 2022 წელს 412,6 მლრდ.კუბ.მ-ს შეადგენს, Bloomberg-ის შეფასებით 2008 წლის შემდეგ ყველაზე დაბალი მაჩვენებელია, ხოლო წლიურ დაანგარიშებაში 20%-იანი კლებაა.