ევროკავშირის ქვეყნებს შორის რუსული გაზის ფასზე ზედა ზღვარის დაწესების ინიციატივასთან დაკავშირებით უთანხმოებაა, - ამის შესახებ ინფორმაცია financial times ავრცელებს. მათივე ინფორმაციით ევროკავშირის სულ მცირე ათი ქვეყანა ითხოვს, რომ ევროკავშირმა გაზის ფასის ზედა ზღვარი ყველა მიმწოდებლისთვის დააწესოს.
ოფიციალური პირების განცხადებით წევრი ქვეყნები, რომლებიც ეწინააღმდეგებიან ევროკომისიის პრეზიდენტის, ურსულა ფონ დერ ლაიენის წინადადებას, გამოიყენოს ლიმიტი მხოლოდ რუსული გაზის იმპორტზე, მოიცავს იტალიას, პოლონეთს და საბერძნეთს.
ზოგიერთი ევროპული ქვეყნის მთავრობა აფრთხილებს ევროკავშირს, რომ რუსეთის გამოყოფამ და მასზე ლიმიტის დაწსებამ, შესაძლოა პუტინს ევროპისთვის გაზის მიწოდების სრულად შეწყვეტისკენ უბიძგოს.
ჩეხეთის ენერგეტიკის მინისტრმა იოზეფ სიკელამ, რომელიც პარასკევს შეხვედრას ხელმძღვანელობდა, აღნიშნა, რომ „ჩვენ ენერგეტიკულ ომში ვართ რუსეთთან. პუტინი ცდილობს, ბაზრის მანიპულირებით დაარღვიოს სოციალური სიმშვიდე ჩვენს ქვეყნებში, ჩვენს ცხოვრების წესზე მოახდინოს გავლენა და თავს დაესხას ჩვენს ეკონომიკას“.
გამოცემის ცნობით კრაინაში რუსეთის სრულმასშტაბიანი შეჭრის დაწყების შემდეგ, რუსეთმა ბლოკში გაზის მიწოდება 80%-ით და დღეში დაახლოებით 84 მილიონი კუბური მეტრით შეამცირა.
რუსული გაზი
