პოლონეთის საგარეო საქმეთა მინისტრის განცხადებით, პოლონეთის საგარეო საქმეთა სამინისტროში აღარ არიან ის დიპლომატები, რომლებსაც მოსკოვის საერთაშორისო ურთიერთობების სახელმწიფო ინსტიტუტი (МГИМО) ჰქონდათ დამთავრებული. ამის შესახებ ზბიგნევ რაუმ Gazeta Polska-სთან ინტერვიუში განაცხადა. მისი თქმით, აღნიშნული ზომები დეკომუნიზაციის ფარგლებში მიიღეს, რაც თავის მხრივ ლუსტრაციის კანონის შედეგია
“ეს ინსტიტუტი საბჭოთა იმპერიალიზმის დიდი პროექტის ნაწილი იყო. МГИМО იყო ინვესტიცია ამ იმპერიალიზმის ფუნქციონირებაში. ის საბჭოთა რბილი ძალის ნაწილია. კურსდამთავრებულები უნდა ემსახურებოდნენ ამ იმპერიის მდგომარეობას.
როცა ეს პროცედურა დავიწყეთ, უწყებაში МГИМО -ს მხოლოდ 38 კურსდამთავრებული მუშაობდა. ზოგმა მიაღწია საპენსიო ასაკს, ზოგმა კი უბრალოდ დატოვა სამსახური. 38 ადამიანიდან 37-მა მიიღო უარყოფითი შეფასება, ანუ დარჩა ერთი. მათი უმეტესობა მუშაობდა პოლონეთში, ექვსი ადამიანი კი უცხოურ მისიებში. შრომის სასამართლოში ჩვენ წინააღმდეგ ოთხმა ადამიანმა შეიტანა სარჩელი.
მინდა ხაზგასმით აღვნიშნო, რომ ეს არ ამტკიცებს რაიმე კავშირს МГИМО -ს დამთავრებასა და საბჭოთა ან რუსეთის სახელმწიფოს მსახურებას შორის, ჯაშუში ან აგენტს. თუმცა, უნივერსიტეტის დამთავრება შესაძლოა დაკავშირებული იყოს პროფესიული, სოციალური ან თუნდაც ოჯახური კავშირების დამყარებასთან. მაშასადამე, არსებობს ვარაუდი, რომ ასეთი ადამიანი შეიძლება განზრახ და შეგნებულად ან სრულიად გაუცნობიერებლად იყოს ინსტრუმენტალიზებული უცხოური დაზვერვის მიერ. ეს ვარაუდი კიდევ უფრო ძლიერია იმ პირობებში, როდესაც ნატო რუსეთს არა პარტნიორად, არამედ ფუნდამენტურ საფრთხედ ასახელებს. საქმე გვაქვს ჰიბრიდულ ომთან, რომელიც მრავალი წელია მიმდინარეობს,“ - განაცხადა ზბიგნევ რაუმ.