„როსსტატის“ მონაცემებით, წითელი ხიზილალა ბოლო 20 წლის მაქსიმუმამდე გაძვირდა. უწყების მონაცემბეზე დაყრდნობით, პორტალი РБК წერს, რომ დელიკატესის ფასმა 7,4-ჯერ მოიმატა: 2000 წლის ოქტომბერში კილოგრამი წითელი ხიზილალა საცალო ვაჭრობაში 675,2 რუბლი (9.08 დოლარი) ღირდა, ხოლო მიმდინარე წლის ოქტომბერში საშუალო საცალო ფასმა კილოგრამზე 5 ათას რუბლს (67.18 რუბლს) გადააჭარბა.

გაიზარდა, ასევე, წითელი თევზის ფასი. წლის დასაწყისიდან გაყინული ორაგულის ღირებულებამ 16%-ით, 726,9-დან 845,3 რუბლამდე (9.76-დან 11.35 დოლარამდე) მოიმატა. РБК-ის შეფასებით, ფასის ზრდა მეთევზეობის ფედერალური სააგენტოს პროგნოზებისა და წარმოების ზრდის საპირისპიროდ მოხდა. გასული წლის ნოემბერში, საახალწლო დღესასწაულამდე, საშუალო ფასმა კილოგრამზე 4 ათას რუბლს (53.72 დოლარს) გადააჭარბა და 2018 წლის აგვისტოს ფასის, 3,9 ათასი რუბლის (52.40 დოლარის) რეკორდი მოხსნა.

მიმდინარე წლის გაზაფხულზე წითელი ხიზილალას საბითუმო ფასი, გასული წლის იმავე თვეებთან შედარებით, 30-50%-ით მეტი იყო, საცალო ფასმა კი რეკორდულ დონეს მიაღწია. ექსპერტებმა ეს სიტუაცია შორეულ აღმოსავლეთში ორაგულის მცირე რაოდენობით დაჭერას დაუკავშირეს. РБК-ის შეფასებით, 2020 წლის თევზჭერა, მინიმუმ, ბოლო ხუთი წლის განმავლობაში, ყველაზე წარუმატებელი აღმოჩნდა.

მეთევზეთა ასოციაციის პრეზიდენტის, გერმან ზვერევის მონაცემებით, წელს თევზჭერა, მთელი დაკვირვების ისტორიაში, ერთ-ერთ რეკორდულ ნიშნულზეა და უკვე 533 ათას ტონას გადადააჭარბა. წითელი ხიზილალის წარმოება, დაახლოებით, 30 ათასი ტონას მიაღწევს, საიდანაც შიდა ბაზრის მოცულობა 14-18 ათასი ტონა იქნება.

bpn.ge