გლობალური საბანკო გიგანტები ციფრული დოლარის 12-კვირიან საპილოტე პროგრამას იწყებენ ნიუ-იორკის ფედერალურ სარეზერვო ბანკთან ერთად, ამის შესახებ მონაწილეებმა განაცხადეს.
Citigroup Inc, HSBC Holdings Plc, Mastercard Inc და Wells Fargo & Co არიან იმ ფინანსურ კომპანიებს შორის, რომლებიც მონაწილეობენ ექსპერიმენტში New York Fed-ის ინოვაციურ ცენტრთან ერთად, ნათქვამია მათ განცხადებაში. პროექტი, რომელსაც ეწოდება პასუხისმგებლობის რეგულირებადი ქსელი, განხორციელდება სატესტო გარემოში და გამოიყენებს იმიტირებულ მონაცემებს.
საპილოტე პროგრამის მიზანი ფედერალური სარეზერვო სისტემის, იგივე, ცენტრალური ბანკის მიერ ციფრული ვალუტის პოტენციური გამოყენების შემოწმებაა.
ცენტრალური ბანკის ციფრული ვალუტა ბანკნოტებისა და მონეტების ციფრულ ექვივალენტს წარმოადგენს, რომელიც მისი მფლობელისთვის ცენტრალური ბანკისადმი პირდაპირი ციფრული მოთხოვნისა და უსწრაფესი ელექტრონული გადახდის საშუალებას იძლევა. მართალია, სადებეტო ბარათები და გადახდის აპლიკაციები ციფრული ფულის ფორმას წარმოადგენს, მაგრამ ტრანზაქციებს კომერციული ბანკები განახორციელებენ იმ ნაღდი ფულის საშუალებით, რომლებსაც მათ ანგარიშზე ცენტრალური ბანკი ჩარიცხავს.
ციფრული დოლარი
