სოციალურ ქსელში უკრაინაში მყოფი რუსი ჯარისკაცისა და მისი ოჯახის წევრების სატელეფონო საუბარი გავრცელდა, რომელიც უკრაინის დაზვერვის სამსახურმა ჩაიწერა.
ჩანაწერიდან ირკვევა, რომ რუს ოკუპანტებს უკრაინელი სამხედროები მძიმე ზიანს აყენებენ. გარდა ამისა, მათ არ აქვთ საკვების მარაგი, რის გამოც სახლებს და მაღაზიებს ძარცვავენ.
"სად ჩამოგვიყვანეს არ ვიცი. უკვე მეთოთხმეტე დღეა გვირტყამენ. სახლებს ვძარცვავთ იმისთვის, რომ რამე ვჭამოთ. სიგარეტი არ გვაქვს, საჭმელი არ გვაქვს. აქ უკვე მეშინია. მშივრები ვართ, გუშინ მაღაზია გავქურდეთ, რომ რამე გვეჭამა. ვლადთან ერთად მოპედი მოვიპარეთ და მაღაზია გავქურდეთ, შემდეგ სახლი გავქურდეთ, ქათამი იყო და ისიც მოვიპარეთ.
ჩვენ ვითომ მშვიდობისმყოფელები ვართ, ვითომ ჩვენი ნებით ჩამოვედით აქ საომრად. მოგვატყუეს და არც ფულს გვიხდიან. მიდიხარ და ხედავ, ყველგან გვამებია, ჩვენი ბიჭების გვამები. მშვიდობიან მოსახლეობას ვესროდით და ვკლავდით, მაგრამ ამას ტელეფონით ვერ მოვყვები. აქ რუსი ოფიცრები თავს იკლავენ ან თავის თავს ესვრიან ფეხებში, რომ შემდეგ მოსკოვში ან პეტერბურგში გადაიყვანონ", - ამბობს რუსი ჯარისკაცი.
წყარო: "მთავარი არხი"
რუსეთი სახმედრო ძალები
