საუდის არაბეთი მეორე ქვეყანაა მსოფლიოში ნავთობის დადასტურებული მარაგებიით. მის ტერიტორიაზეა 267,1 მლრდ. ბარელი, რაც მსოფლიო მარაგების 17, 2%- ს შეადგენს.

ამ დროისთვის მსოფლიოში ნავთობის დადასტურებული მარაგი 1,5 ტრლნ.ბარელს შეადგენს.

საუდის არაბეთის ენერგეტიკის სამინისტროს მონაცემებით, ქვეყნის ტერიტორიაზე ნავთობის მოპოვების პოტენციალი 2020 წელს 0, 003%, ანუ, 9 მლნ. ბარელით გაიზარდა. მთელი ამ ნავთობის მხოლოდ ნაწილია დღეს აქტიური მოპოვების პროცესში. საუდის არაბეთზე მოდის ასევე არაბული ქვეყნების ნავთობის მარაგის 31,1% - ამ დროისთვის ახლო აღმოსავლეთში ნავთობის რაოდენობა 860 მლრდ. ბარელია. ის ასევე ოპეკ-ის უმნიშვნელოვანესი ქვეყანა - მასზე კარტელში გაერთიანებული სახელმწიფოების მარაგების 21,6% მ ოდის. ამ დროისთვის ოპეკ-ის მთლიანი პოტენციალი 1,2 ტრლნ.ბარელია.

პირველ ადგილზე ვერ გავიდა ვერც ერთი მდიდარი არაბული ქვეყანა, იმის მიუხედავად, რომ სწორედ მათ მიიღეს ყველაზე დიდი სარგებელი "შავი ოქროს" მოპოვების და ექსპორტისგან. პირველ ადგილზე მსოფლიოში ნავთობის მარაგების მიხედვით დედამიწის ერთ-ერთი ყველაზე ღარიბი, არასტაბილური და კრიმინალის კუთხით ერთ-ერთი ყველაზე საშიშიქ ვეყანა - ვენესუელა გავიდა. მის ტერიტორიაზე ნავთობის დადასტურებული მარაგი 303, 6 მლრდ. ბარელს შეადგენს, რაც ერთ სულ მოსახლეზეც ერთ-ერთი ყველაზე მაღალი მაჩვენებელია, იმის გათვალისწინებით, რომ ქვეყნის მოსახლეობა 28 მლნ. ადამიანია.

ვენესუელასა და საუდის არაბეთთან ერთად, პირველ ათეულში ასევე მოხვდნენ ირანი (208,6 მლრდ. ბარელი, მსოფლი ომარაგების 13,5%), და ერაყი (145 მლრდ. ბარელი, 9,4%).

გაერთიანებულმა არაბულმა საემიროებმა ქუვეითს გაუსწრო და რეიტინგში მეოთხე ადგილზე გავიდა. მის მიწაში ინახება 107 მლრდ. ბარელი ნავთობი (მსოფლიოს მარაგების 6,2%), ქუვეითში კი 101,5 მლრდ, ბარელი (6,6%).

მეშვიდე ადგილზეა რუსეთი - 80 მლრდ. ბარელი (5,2%), შემდეგია ლიბია 48,4 მლრდ. (3,1%). მე-9 ადგილზეა აშშ - ამერიკის დადასტურებული მარაგი 44,5 მლრდ ბარელს შეადგენს (2,9%), ათეულის ბოლო ადგილზეა ნიგერია - 36,9 მლრდ. ბარელი (2,4%).

აღსანიშნავია, რომ ეს რეიტინგი არ ითვალისწინებს ფიქალის ნავთობის მარაგებს, რის გამოც შტატების პოზიციები შედარებით სუსტია.

ათეულში ასევე ვერ მოხვდა კანადა სწორედ იმიტომ, რომ მისი მარაგების დიდი ნაწილი სწორედ ფიქალის ნავთობზე მოდის.

2020 წლის მანძილზე ნავთობის მსოფლიო მარაგი 2, 6 მლრდ, ბარელით, ანუ, 0,2%-ით გაიზარდა, ძირითადად გაერთიანებულ საემიროებში ახალი საბადოების აღმოჩენის წყალობით.

ავტორი: თენგიზ აბლოთია

წყარო:AlArabiya