რა პერსპექტივა გააჩნია თბილისს იმისათის, რომ გადაიქცეს რეგიონში საფინანსო, ენერგეტიკულ, განათლების, არბიტრაჟის, ტურიზმის, ინოვაციების, ლოგისტიკის და ა.შ მიზიდულობის ცენტრად? არსებობს კი წინაპირობა, რომ ახლო პერსპექტივაში თბილისი, აღმოჩნდეს მსოფლიოს წამყვან ქვეყნებს შორის?
იმისათვის, რეალურად გავერკვეთ რამდენად პასუხობს თბილისი, მსოფლიო ქალაქებში მიმდინარე ტენდენციებს, აუცილებელია გავაანალიზოთ, თუ სად იმყოფება თბილისი საერთაშორისო რეიტინგებში.
სატრანსპორტო დერეფნის კვლევის ცენტრმა შესწავლა სამი, ყველაზე ფართოდ გავრცელებული მსოფლიო ინდექსი:
- ჭკვიანი - ქალაქის ინდექსი / IMD SMART CITY INDEX – ( 2020 წელს შეფასებულ 110 ქალაქს შორის თბილისი არ ფიგურირებს)
2. გლობალური ქალაქების კონკურენტუნარიანობის ინდექსი / THE GLOBAL CITY COMPETITIVENESS INDEX – ( 2021 წელს - 48 შერჩეულჩეულ ქალაქს შორის თბილისი არ ფიგურირებს);
3. გლობალური ქალაქების ინდექსი / GLOBAL CITIES INDEX - (200 ქალაქს შორის თბილისი ვერ იძებნება);
"სამივე ინდექსი ასახავს ამა თუ იმ ქალაქის განვითარებასა და კონკურენტუნარიანობას, მათ შორის მათ შესაძლებლობას მოიზიდონ კაპიტალი, ბიზნესი და ვიზიტორები. ამ პარამეტრებით თბილისი ვერ აკმაყოფილებს ვერცერთ კრიტერიუმს. ისმის კითხვა, არსებობს ხედვა, რომ თბილისი აღმოჩნდეს მსოფლიოს წამყვან ქალაქებს შორის? თუ კი როდის?" - ამბობს "კომერსანტთან" სატრანსპორტო დერეფნის კვლევის ცენტრის პრეზიდენტი, ტრანსპორტისა და ლოგისტიკის ექსპერტი, პაატა ცაგარეიშვილი.
ავტორი: ბელა გელაშვილი