ტვიტერზე ვირუსული გახდა პოსტი იმის შესახებ, რომ რუსი პროპაგანდისტის ვლადიმირ სოლოვიოვის ერთ-ერთი სრულწლოვანი შვილი, დანილი ლონდონში მოდელად მუშაობს. როგორც ცნობილია უფროსი სოლოვიოვი რუსეთის მოქალაქეებს სამხედრო მობილიზაციისა და ფრონტზე უკრაინის წინააღმდეგ ბრძოლისკენ ყოველდღიურად მოუწოდებს.
„ვლადიმირ სოლოვიოვის შვილმა დანილ სოლოვიოვმა განაცხადა, რომ ჯერჯერობით არ შეუძლია კონტრაქტი გააფორმოს რუსეთის თავდაცვის სამინისტროსთან და დონბასის დასაცავად გაემართოს, რადგან მან უკვე გააფორმა კონტრაქტი ლონდონის სამოდელო სააგენტოსთან“ - დაწერა ტვიტერში გვერდმა dumingtups, რომელიც საკუთარ თავს უწოდებს იუმორისტულ გვერდს, რომელიც ხშირად 100% სიმართლეს ამბობს.
ამის პარალელურად სოციალურ ქსელში გავრცელდა დანილ სოლოვიოვის მოდელობის ამსახველი ფოტოებიც, რომელთა შორის იყოს ასევე იყო ანდროგინი მოდელის ფოტოებიც, რომელიც ასევე დანილ სოლოვიოვს მიეწერებოდა, თუმცა შემდგომში აღმოჩნდა რომ ეს მისი მოგვარე მოდელი ტომი სოლოვიოვი იყო.
თავად ვლადიმირ სოლოვიოვს გავრცელებულ ინფორმაციაზე მწვავე რეაქცია ჰქონდა და მან რუსული მედიის ის ნაწილი, რომლებმაც მისი შვილის შესახებ ინფორმაცია გაავრცელეს, პირდაპირ ეთერში გალანძღა. მისი თქმით, მისი შვილი არა ლონდონში, არამედ მოსკოვში იმყოფება, თუმცა არაფერი უთქვამს, იმაზე თუ რატომ იმყოფება მისი შვილი თუნდაც მოსკოვში და არა დონბასში, სანგარში, სადაც საომრად წასასვლელად და სასიკვდილოდ სოლოვიოვი სხვა რუსების შვილებს აქტიურად „ეპატიჟება“.