საერთაშორისო სავალუტო ფონდის აღმასრულებელმა საბჭომ უკრაინისთვის $15,6 მილიარდი დოლარის მოცულობის ოთხწლიანი გაფართოებული დაფინანსების საშუალება (EFF) დაამტკიცა —ამის შესახებ ინფორმაციას IMF —ის პრეამსახური ავრცელებს.
რუსეთის უკრაინაში შეჭრის შემდეგ უკრაინისთვის სესხი იქნება ყველაზე დიდი და პირველი დახმარების პაკეტი ომის მდგომარეობაში მყოფი ქვეყნისთვის.
„გადაწყვეტილების თანახმად კიევი დაუყოვნებლივ მიიღებს 2.7 მილიარდ დოლარს“ — ნათქვამია ფონდის განცხადებაში.
პირველ ეტაპზე 12-18 თვეში თანხა „გადაუდებელი საჭიროებების დაკმაყოფილებასა და სტაბილურობის შენარჩუნებას“ მოხმარდება. მეორე ფინანსურ მხარდაჭერას „სტრუქტურული რეფორმებისა და ევროპულ ინტეგრაციას“ ითვალისწინებს.
სესხი უკრაინისთვის 115 მილიარდი დოლარის დახმარების პაკეტის ნაწილია.
უკრაინა უახლოეს მომავალში მიიღებს პირველ ტრანშს 2,7 მილიარდ დოლარს, დაადასტურა უკრაინის პრემიერ-მინისტრმა დენის შმიგალმა.
„სავალუტო ფონდის სახსრები დაეხმარება მთავრობას დააფინანსოს ყველა მნიშვნელოვანი ხარჯი და შეინარჩუნოს მაკროფინანსური სტაბილურობა“, - თქვა მან.
სესხის მეორე ნაწილი „ქვეყნის ომის შემდგომი აღმშენებლობისა და ტრანსფორმაციისთვის“ დაიხარჯება.
უკრაინის პრეზიდენტმა, ვოლოდიმირ ზელენსკიმ მადლობა გადაუხადა საერთაშორისო სავალუტო ფონდს და ფონდის ხელმძღვანელს, კრისტალინ გეორგიევას სესხის დამტკიცებისთვის.
„ერთად ვუჭერთ მხარს უკრაინის ეკონომიკას და წინ მივდივართ გამარჯვებისკენ“, - წერს ის.
სავალუტო ფონდის ახალი პროგრამა გადამწყვეტია ბიუჯეტის დეფიციტის დასაძლევად, თქვა ელენა ბილანმა, კიევის საინვესტიციო ბანკის Dragon Capital-ის მთავარმა ეკონომისტმა. მან ასევე აღნიშნა, რომ მთავრობა ითხოვს 43 მილიარდ აშშ დოლარის გარე ბიუჯეტის მხარდაჭერას.
2022 წელს უკრაინამ მიიღო საერთაშორისო დახმარება დაახლოებით 32,1 მილიარდი დოლარის ოდენობით, კიევის უმსხვილესი კრედიტორები იყვნენ აშშ ($12 მილიარდი) და ევროკავშირი ($8 მილიარდი). სავალუტო ფონდმა 2,7 მილიარდი დოლარი გამოყო საგანგებო დაფინანსების სახით. ასევე დახმარება გაუწიეს კანადამ (1,9 მილიარდი დოლარი) და გერმანიამ (1,5 მილიარდი დოლარი).
ომის ფონზე უკრაინის ეკონომიკა 2022 წელს თითქმის მესამედით შემცირდა (მინუს მშპ-ს 30,4%). ეკონომიკის მინისტრმა იულია სვირიდენკომ ადრე შეაფასა 2023 წელს ქვეყნის ეკონომიკური მხარდაჭერის საჭიროება 38 მილიარდ დოლარად.