მსოფლიო ტურიზმის ბარომეტრის UNWTO -ს მონაცემებით, საერთაშორისო ტურისტების რაოდენობა 2022 წლის იანვრიდან ივლისამდე პერიოდში, 2021 წლის ანალოგიურ პერიოდთან შედარებით თითქმის სამჯერ გაიზარდა ( +172) , რაც იმას ნიშნავს, რომ სექტორმა პანდემიამდელი მაჩვენებლის თითქმის 60%-ი აღადგინა.
UNWTO-ს გენერალურმა მდივანმა ზურაბ პოლოლიკაშვილმა განაცხადა, რომ ტურიზმის აღდგენა სტაბილურია, თუმცა რამდენიმე გეოპოლიტიკური და ეკონომიკური გამოწვევა დღის წესრიგში კვლავ რჩება. მისივე თქმით, სექტორის აღდგენა მთელ მსოფლიოში ახალ შესაძლებლობებს და იმედებს აჩენს.
ამ პერიოდის განმავლობაში მთელ მსოფლიოში დაახლოებით 474 მილიონმა ტურისტმა იმოგზაურა, რაც 2021 წლის 175 მილიონიან მაჩვენებელზე გაცილებით მაღალია. აღსანიშნავია, რომ 2022 წლის ივნისსა და ივლისში 207 მილიონი საერთაშორისო მოგზაურობა დაფიქსირდა, აღნიშნული თვეები 2022 წლის პირველ შვიდ თვეში რეგისტრირებული ჩამოსვლის 44% შეადგენს. ევროპამ 309 მილიონი ასეთი მოგზაურობა მიიღო, რაც მთელ მსოფლიოში მოგზაურობის 65 %- ია.
მსოფლიო ტურიზმის აღდგენაში ევროპა და ახლო აღმოსავლეთი ლიდერობს
2022 წლის იანვარ - ივლისში ევროპასა და ახლო აღმოსავლეთში ტურიზმის სექტორში ყველაზე სწრაფი აღდგენა დაფიქსირდა, რამაც 2019 წლის მაჩვენებლის 74% და 76% შეადგინა. ხოლო 2021 წლის პირველ შვიდ თვეში ( +190%) ევროპაში 2021 წლის ანალოგიურ პერიოდთან შედარებით სამჯერ მეტი ვიზიტორი დაფიქსირდა.
რაც შეეხება ახლო აღმოსავლეთს, 2022 წლის იანვარ -ივლისში საერთაშორისო მოგზაურობების რაოდენობა გასული წლის ანალოგიურ პერიოდთან შედარებით თითქმის ოთხჯერ გაიზარდა(+287%) და ივლისში პანდემიამდელ დონეს +3% -ით გადააჭარბა.
2021 წელთან შედარებით ზრდა დაფიქსირდა ამერიკაში (+103%) და აფრიკაში (+107%), ხოლო 2019 წლის მონაცემები აღნიშნულ ქვეყნებში 65% - ით დ ა 60% ით აღდგა.