გემი „შოთა რუსთაველი" სსრკ-ს დაკვეთით 1968 წელს გერმანიაში ააგეს. 700-750 მგზავრზე გათვლილი „შოთა რუსთაველი“ შავი ზღვის სამოქალაქო ფლოტში დაცურავდა. გემს ჰქონდა ორი საცურაო აუზი და საუნა, სპორტული დარბაზი, მასაჟის ოთახი, სპორტული მოედანი, კინოდარბაზი, კაზინო, სათამაშო აპარატების დარბაზი, საბავშვო კლუბი, მაღაზიები, სილამაზის სალონი და სამედიცინო ცენტრი. მოიარა ხმელთაშუა, კარიბის ზღვებისა და დასავლეთ ევროპის პორტები.

1968 წლის ივლისიდან სამგზავრო ლაინერმა „შოთა რუსთაველმა“ დაიწყო საზღვაო კრუიზების განხორციელება ოდესისა და ბათუმის პორტებს შორის და ორი თვის შემდეგ გაემგზავრა დიდი ბრიტანეთის სანაპიროებზე. საუთჰემპტონის პორტში გემმა ტურისტები აიყვანა და სამთვიანი კრუიზით გაემგზავრა მსოფლიოს გარშემო.

2002 წელს, სევასტოპოლის პორტში ხანგრძლივი რემონტის დასრულების შემდეგ, გემი ახალი სახელწოდებით Assedo დაიწყო საკრუიზო ვოიაჟების ოპერირება შავ, ხმელთაშუა, კარიბის ზღვებსა და დასავლეთ ევროპის პორტებში.

2003 წელს მოძველებული „შოთა რუსთაველი“ გაყიდეს და ინდოეთში ჯართად დაჭრეს.

გემი „შოთა რუსთაველი" კარგად ჩანს ფილმში „ორერა სრული სვლით" (1970 წ).

სტატიაზე დართულ ფოტოზე „შოთა რუსთაველი“ სიდნეის ნავსადგურშია.