სამომხმარებლო სესხების პორტფელში პრობლემური კოეფიციენტი იზრდება. მიმდინარე წლის სექტემბრის მდგომარეობით, ლარის პორტფელში პრობლემური სესხების ოდენობა 6%-ს, აშშ დოლარში გაცემულ სესხებში 5.5%-ია, ევროში კი 3.8% აღწევს.

უფრო კონკრეტულად, ლარში გაცემული სესხების ოდენობა 378 მლნ ლარს აღემატება, დოლარში გაცემული 29 მლნ ლარს, ხოლო ევროში 7.8 მლნ ლარს. გასული წლის ანალოგიურ პერიოდში კი ეს მაჩვენებლები შემდეგნაირად გადანაწილდა: ლარში — 285.5 მლნ ლარი, დოლარში — 53.2 მლნ ლარი, ევროში 11.7 მლნ ლარი.

2022 წლის აგვისტოში, გაცვლითი კურსის ეფექტის გამორიცხვით, სესხები წლიურად 15.3%-ით გაიზარდა და 43.2 მლრდ ლარი შეადგინა. სესხების ზრდის ტემპმა წინა თვესთან შედარებით 1.0 პპ მოიკლო. სესხების ზრდის ტემპის კლება მეტწილად უცხოური ვალუტით დაკრედიტების შენელებამ განაპირობა. ლარით დაკრედიტება წლიურად 20.02%-ით გაიზარდა და მთლიანი სესხების ზრდაში 9.6 პპ წვლილი შეიტანა. 2022 წლის აგვისტოში გაცვლითი კურსის ეფექტის გამორიცხვით, უცხოური ვალუტის სესხებმა წლიურად 10.93%-ით მოიმატა და მთლიანი სესხების ზრდაში 5.7 პპ წვლილი შეიტანა. დაკრედიტების შენელება ძირითადად ბიზნეს სესხებისა ზრდის ტემპის კლებამ განაპირობა. ასევე შემცირებულია სამომხმარებლო და მცირე და საშუალო ბიზნესზე გაცემული სესხების ზრდის ტემპიც.