კომერციულ ბანკებში სესხებზე საპროცენტო განაკვეთი იანვრიდან დღემდე 12.2%-დან 12%-მდე შემცირდა. ლარში გაცემულები კი 15.7%-დან 15.6%-მდე. რადგან 200 000 ლარამდე მოცულობის სეხის გაცემა ლარშია სავალდებულო, სამომხმარებლო სესხების 88%-ზე მეტი სწორედ ეროვნული ვალუტაშია გაცემული. სამომხმარებლო სესხებზე საპროცენტო განაკვეთი საშუალოზე მაღალია და ივნისის მდგომარეობით 19.1%-ს შეადგენს. ბანკების უმრავლესობისთვის სამომხარებლო სესხი ერთ-ერთ პრიორიტეტულ მიმართულებას წარმოადგენს, მათი შეთავაზებები გარეგნულად ზოგჯერ ერთმანეთისგან განსხვავდება, მაგრამ შეინაარსობრივად თითქმის იდენტურია.
სამომხმარებლო სესხი, როგორც წესი, ხელფასის საფუძველზე გაიცემა, თუმცა ასევე შესაძლებელია შემოსავლის სხვაგვარი დადასტურებაც: გზავნილები, იჯარა, თვითდასაქმებულისთვის ბრუნვის დამადასტურებელი რაიმე დოკუმენტი...
თიბისი ბანკი უზრუნველყოფილ სამომხმარებლო სესხს 600 000 ლარამდე გასცემს, სეხის მაქსიმალურ ვადას 10 წელი შეადგენს, საპროცენტო განაკვეთი 14%-დან, ეფექტური საპროცენტო განაკვეთი კი 15.7%-დან იწყება. გაცემის საკომისიო სესხის თანხის 2% მინიმუმ 40 ლარია. არაუზრუნველყოფილი სესხის შემთხვევაში ლიმიტი 60 000 ლარამდე მცირდება, ვადიანობა 4 წლამდე, საპროცენტო განაკვეთი 12.25%-დან, ეფექტური საპროცენტო განაკვეთი კი 15.8%-დან იწყება. უფრო მაღალია გაცემის საკომისიცოც და 2.5%-ს მინიმუმ 50 ლარს შეადგენს.
პირობები მსგავსია თიბისის მთავარ კონკურენტ საქართველოს ბანკშიც, სადაც სამომხმარებლო სესხის ლიმიტი 75 000 ლარია, ვადიანობა 3 თვიდან 4 წლამდე. ნომინალური საპროცენტო განაკვეთი მართალია 9%-დან იწყება, მაგრამ მინიმალური ეფექტური საპროცენტო განაკვეთი 18.5%-ს შეადგენს.
საქართველოს ბანკში სესხის ასაღებად მინიმუმ 400 ლარიანი ხელფასია საჭირო, თიბისიში 200, სხვა ბანკის სახელფასო კლიენტის შემთხვევაში - 300. თიბისი სესხებს 20-დან 65 წლამდე პირებზე გასცემს, საქართველოს ბანკი 22-დან 70 წლამდე, გამონაკლისის სახით 20-დან 70 წლამდე.
თუ თიბისიში მინიმალური სეხის მოცულობა 500 ლარს შეადგენს, ხოლო საქართველოს ბანკში 400 ლარს, ლიბერთი ბანკისგან 200 ლარიანი ხელფასის საფუძველზე 300 ლარის სესხებაც შეიძლება. საპროცენტო განაკვეთი 11.85%-დან, ეფექტური საპროცენტო განაკვეთი კი 15.78%-დან იწყება. გაცემის საკომისიო 2% – მინიმუმ 20 ლარია, რასაც საკრედიტო ბიუროში გადამოწმების 10 ლარიც ემატება. სესხის აღება 18-დან 70 წლამდე ასაკის პირებს შეუძლიათ.
პირობები მეტ-ნაკლებად მსგავისია ვითიბი ბანკში, ბაზის ბანკსა და ტერა ბანკში. პროკრედიტ ბანკი და ქართუ ბანკი უფრო ბიზნესის დაფინანსებაზე არიან ორიენტირებულები და სამომხამრებლო სესხებს მასობრივად არ გასცემენ.
პრაქტიკულად ყველა ბანკის ვებგვერდზე მითითებული ინფორმაცია მინიმალური საპროცენტო განაკვეთის შესახებ გამონაკლისს წარმოადგენს და ყველა ხარჯის გათვალისწინებით რეალური საპროცენტო განაკვეთი უფრო მაღალი გამოდის, რასაც ეროვნული ბანკის ანგარიშიც ადასტურებს.