„სამშენებლო სექტორს შევთავაზეთ მოიზიდონ დამატებითი ფინანსური რესურსი გარანტირებული დაკვეთის მისაღებად საჯარო ინფრასტრუქტურის მშენებლობა-რეაბილიტაციის მიმართულებით“, - ამის შესახებ საქართველოს პრემიერ-მინისტრმა ირაკლი ღარიბაშვილმა ორშაბათს, 4 აპრილს, მთავრობის სხდომაზე განაცხადა.
მიიღე ინფორმაცია უფრო სწრაფად „კომერსანტის“ Telegram-ზე.
მისი თქმით, მთავრობამ უკვე მიიღო სამშენებლო-სარეაბილიტაციო ობიექტების ნუსხა, რაც საკმაოდ დიდი მოცულობისაა და დაახლოებით 2 მლრდ ლარამდე ღირებულების დაკვეთები იქნება კომპანიებისთვის შესათავაზებელი.
„ამ საკითხზე ბატონ ლევანის ხელმძღვანელობით არაერთი შეხვედრა გაიმართა, ყველა სამინისტრომ უკვე გამოაგზავნა სია, იმ ობიექტების ნუსხა, რომლებიც იქნება ასაშენებელი ან რეაბილიტაციის რეჟიმში იქნება გასარემონტებელი. საკმაოდ მასშტაბური მოცულობა მივიღეთ 1 500 000 000-დან 2 000 000 000 ლარის სამუშაოები წელს გვექნება შესათავაზებელი კომპანიებისთვის.
პროექტები წარმოადგინეს ისეთმა უწყებებმა, როგორიცაა, თავდაცვის სამინისტრო, ჯანდაცვის სამინისტრო, განათლების სამინისტრო, ინფრასტრუქტურა და ა .შ. და ჩვენი ამოცანა იქნება რომ ეს სამუშაოები რომლებიც უნდა განხორციელებულიყო 3-5 წლამდე გადმოვწიოთ ე ვადა და წელსვე დავიწყოთ ამ პროექტების განხორციელება. გასარემონტებელია 800 მდე სკოლა იმისათვის რომ ერთიან სტანდარტში მოვაქციოთ ყველა სკოლა. აღარ ვსაუბრობ კულტურისა და სპორტის მიმართულებით, მაგალითისთვის გეტყვით რომ წყლის პროექტები ჩვენი დაპირება იყო რომ ყველა ქალაქში წყალი უნდა იყოს 24 საათიანი და ეს წელსვე უნდა დავიწყოთ
ეს არის ძალიან კარგი შეთავაზება ბიზნესისთვის, ერთის მხრივ მთავრობა საკუთარ პროექტებს ვადაზე ადრე განახორციელებს, დაჩქარდება ეკონომიკური ზრდაც რაც ეკონომიკის მაჩვენებელსაც დაეხმარება და ზოგადად სასარგებლო ინიციატივაა და ამას გარდა 1000 - ობით სამუშაო ადგილის შექმნაა გათვალისწინებული.
ბანკებთან ჩვენ გვქონდა ა საუბარი და ისინიც თანახმა არიან რომ გამოყონ ფინანსები პროექტების დასაფინანსებლად“, - აღნიშნა ირაკლი ღარიბაშვილმა.