კომპანიამ Samsung Engineering, რომელიც არის სამხრეთ-კორეული სამრეწველო გიგანტის Samsung Group-ის განყოფილება, ტაივანურ კომპანია CTCI Corporatio-თან ერთად კატარში ნავთობქიმიური ქარხნის მშენებლობის ტენდერი მოიგო. ამის შესახებ ინფორმაციას თავად სამხრეთ-კორეული კომპანია ავრცელებს.
კონტრაქტი შეფასებულია 2,5 მლრდ დოლარად. ტენდერის პირობების თანახმად Samsung Engineering პასუხისმგებელი იქნება ეთილენის მწარმოებელი ქარხნის შექმნაზე, ხოლო ტაივანური კომპანია ქარხნის დანარჩენს ინფრასტრუქტურას ააშენებს. მოსალოდნელია, რომ სამშენებლო სამუშაოები 2026 წლისთვის დასრულდება.
„აღსანიშნავია, რომ ეს საწარმო გახდება ეთილენის მწარმოებელი მსოფლიოში ერთ-ერთ ყველაზე მსხვილი ქარხანა, რომლის წლიური მოცულობა შეადგენს 2,08 მლნ ტონას. Samsung Engineering დარწმუნებულია, რომ ამ პროექტს წარმატებით გაართმევს თავს“, - წერია კომპანიის განცახდებაში.
შეთანხმება გახლავთ ნაწილი რას-ლაფანის სამრეწველო ცენტრის განვითარების პროექტისა, რომელიც მდებარეობს დოჰადან რამდენიმე ათეულ კილომეტრში და სპეციალიზირებულია ნავთობქიმიურ მრეწველობაზე, მათ შორის, გათხევადებული გაზის წარმოებაზე. კონტრაქტში დამკვეთად მოხსენიებულია Ras-Laffan Petrochemincals.
Samsung
