ციტრუსის ექსპორტიორი კომპანიები „ნარინჯისფერი რთვლისთვის ემზადებიან და იმედი აქვთ, რომ წელს გასული წლის მაჩვენებლებს გააუმჯობესებენ.
კომპანია „აჭარა ტრეიდინგ გრუპში“, რომელიც ციტრუსის ექსპორტიორი კომპანიაა, აცხადებენ, რომ წელსაც მთავარი სამიზნე ბაზარი რუსეთია. კომპანია ფრეში ხილის ექსპორტითაა დაკავებული, სადაც ექსპორტამდე ციტრუსის რეცხვა, პარაფინირება, დაკალიბრება და დაპაკეტება ხორციელდება.
კომპანიის დამფუძნებელმა კახა შავაძე „კომერსანტს“ უთხრა, კომპანია პროდუქციის ექსპორტს „მაცივარი მანქანებით“ ახორციელებს და ამ მიმართულებით ხარჯი საკმაოდ გაზრდილია, საუბარია დაახლოებით 60%-იან ზრდაზე.
„წელს ვგეგმავთ 1000 - 1500 ტონა ციტრუსის ექსპორტირებას, მთავარია როგორი იქნება ხარისხი. საშუალო ხარისხს ხელს არ ვკიდებთ. შარშან ექსპორტის რეჟიმში კილო ციტრუსის ფასი 60 ცენტი იყო ტრანსპორტირების ხარჯის გარეშე. წელს დაახლოებით 60-70 ცენტს ვარაუდობთ პლუს გაზრდილი ტრანსპორტირების ხარჯები.
2021 წლის ციტრუსის სეზონზე ყველაზე ცოტა ციტრუსის ექსპორტი მოვახდინეთ, რადგანაც ხარისხი იყო საკმაოდ დაბალი. რაც შეეხება ექსპორტს ძირითადად მაინც რუსეთის ბაზარი და რუსული ქსელები იყო, ასევე იყო უზბეკეთი.
წელსაც პროდუქციის ექსპორტს ვგეგმავთ რუსეთში, ვნახოთ მანამდე რა იქნება. ასევე კარგი პარტნიორები გვყავს უზბეკეთში და ყაზახეთში.
სამწუხაროდ ევროპის ბაზარზე ვერ გავდივართ. ევროპაში თავის დამკვიდრებაში არავინ გვეხმარება. საელჩოში ეკონომიკური ატაშეები არიან, მაგრამ არავინ ინტერესდება. ჩვენს ფიტოსანიტარიულ სერტიფიკატს ევროპაში არ აღიარებენ. იქ რომ მანქანას დაგიყოვნებენ 7-10 დღის განმავლობაში, როდესაც მალფუჭებადი პროდუქცია მიგაქვს, ჩათვალე უნდა გადაყარო პროდუქცია“, - აცხადებს შავაძე.
აღსანიშნავია, რომ აჭარაში წელს, წინასწარი მონაცემებით, 45-50 ათას ტონამდე ციტრუსის მოსავალს ელოდებიან. საექსპორტო ქვეყნებიდან ძირითადი აქცენტი კეთდება სომხეთზე, აზერბაიჯანზე, მოლდოვაზე, ბელარუსზე, ასევე ევროკავშირის ქვეყნებზე, ბალტიისპირეთის ქვეყნებზე: ლიეტუვა ლატვია.
აღსანიშნავია, რომ გასულ სეზონზე აჭარიდან 38,268 ტონა ციტრუსის ექსპორტი განხორციელდა. საანგარიშო პერიოდში მანდარინის ექსპორტი განხორციელდა ყაზახეთში, ესტონეთში, ყირგიზეთში, სლოვენიაში, ბელორუსიაში, მოლდოვაში, უკრაინაში, სომხეთში, რუსეთში და სხვა.
აჭარის სოფლის მეურნეობის სამინისტროს მონაცემებით, ციტრუსის მთავარ საექსპორტო ბაზრებზე გასულ წელს გატანილი პროდუქციის მოცულობა ასეთია:
სომხეთი - 26133 ტ
უკრაინა - 3851 ტ
მოლდოვა - 600 ტ
სლოვენია - 300 ტ
შუა აზია - 400 ტ
ბალტიისპირ