„სანქციები საბოლოო ჯამში ქვეყანას ნაკლებად მიმზიდველს გახდის ბიზნესისთვის,“ -  ასე გამოეხმაურა „კომერსანტთან“  საუბრისას საერთაშორისო სავაჭრო პალატის ხელმძღვანელი ფადი ასლი აშშ-ს მიერ მოსამართლეებისთვის სანქციების დაწესებას. მისი თქმით, ეს სანქციები არის სიგნალი საქართველოს მიმართ, იმ შემთხვევაში თუ ისინი კვლავ გააგრძელებენ „ბინძურ თამაშებს“, უფრო მეტ  ადამიანზე, უფრო სერიოზული სანქციები დაწესდება.

„ამერიკაში არ შეშვება დიდი  სანქცია არ არის, მაგრამ ეს არის სიგნალი ამერიკის მხრიდან  საქართველოს მთავრობის მიმართ, იმ შემთხვევაში თუ ისინი  გააგრძელებენ ბინძურ თამაშებს  უფრო სერიოზული და მეტი სანქცია იქნება დაწესებული მეტ ადამიანზე, რა თქმა უნდა, საბოლოო ჯამში ეს საქართველოს ბიზნესისთვის ნაკლებად მიმზიდველს გახდის, არა მარტო საერთაშორისო, არამედ ქართული ბიზნესისთვისაც“, - აღნიშნა ფადი ასლიმ.

შეგახსენებთ, რომ ამერიკის სახელმწიფო დეპარტამენტმა მნიშვნელოვანი კორუფციული საქმიანობის გამო თბილისის სააპელაციო სასამართლოს თავმჯდომარეს, უვადო მოსამართლე მიხეილ ჩინჩალაძეს, იუსტიციის უმაღლესი საბჭოს წევრს, ასევე უვადო მოსამართლე ლევან მურუსიძეს, თბილისის სააპელაციო სასამართლოს ადმინისტრაციულ საქმეთა პალატის თავმჯდომარე ირაკლი შენგელიას და თბილისის სააპელაციო სასამართლოს ყოფილ თავმჯდომარეს, ვალერიან ცერცვაძეს, ასევე მათი ოჯახის წევრებს, სანქციები დაუწესა და შეერთებულ შტატებში შესვლა აუკრძალა