2022 წლის აპრილსა და ივლისში რუსეთში მეტროს ვაგონების წარმოება შეჩერდა, ხოლო მოძრავი შემადგენლობის წარმოების მთლიანმა კლებამ წლის პირველი ნახევრისთვის 42% შეადგინა. ამის შესახებ, რუსული მედია „როსსტატის“ მონაცემებზე დაყრდნობით წერს.
წარმოების ვარდნის მიზეზი საერთაშორისო ტექნოლოგიურ კომპანიებთან თანამშრომლობის შეწყვეტამ და უკრაინაში რუსეთის შეჭრის შემდეგ დაწესებულმა სანქციებმა გამოიწვია.
რუსული მეტროს მანქანების მწარმოებელის Transmashholding-ის (TMH) სპიკერმა დაადასტურა, რომ ივლისში გადაზიდვები არ განხორციელებულა, მაგრამ აგვისტოში განახლდა.
მოსკოვის მეტროპოლიტენის წარმომადგენელმა აღნიშნა, რომ ახალი მოძრავი შემადგენლობის მიწოდების გეგმები დროულად სრულდება და წლის ბოლომდე მოსკოვი იმავე რაოდენობის მანქანებს მიიღებს, რამდენიც წლის პირველ ექვს თვეში (168) მიიღო.
2021 წელს, „როსსტატის“ მონაცემებით, რუსეთში 430 მეტროს მანქანა იწარმოებოდა, მათგან 366 (85%) მიტიშჩის TMH Metrovagonmash ქარხანაში.
„წარმოების შემცირების მთავარი მიზეზი არის უცხო კომპონენტების ნაკლებობა, რომლებიც ანალოგებით უნდა შეიცვალოს“, - აცხადებენ კომპანიაში.
წყარო: europetime.eu