საპენსიო სააგენტოს 2023 წლის პირველი კვარტლის შედეგების მიხედვით, მთლიანი საპენსიო აქტივების ღირებულება 3.2 მილიარდი ლარია, საპენსიო აქტივებზე დარიცხული წმინდა ამონაგები კი 477 მილიონ ლარს აჭარბებს.
სააგენტოს ინფორმაციით, წმინდა უკუგება საინვესტიციო საქმიანობის დაწყებიდან დღემდე 42.57%-ს შეადგენს, საპენსიო სქემაში გაწევრიანებულ მონაწილეთა რაოდენობა კი 1.383 მლნ ადამიანია. დღეისათვის, დაგროვებითი პენსიით ისარგებლა სხვადასხვა კატეგორიის 3,273 პირმა მათზე გაცემული თანხა კი 8,712,552.41 ლარს შეადგენს.
„გრძელდება პორტფელის დივერსიფიკაცია და 22 მარტის მდგომარეობით საინვესტიციო პორტფელი შემდეგნაირად გამოიყურება:
სააგენტომ ამ პერიოდში ინვესტირება განახორციელა თიბისი ლიზინგის 3-წლიან ვადიანობის კორპორაციულ ობლიგაციებში 7.96 მილიონი ლარის ოდენობით. ობლიგაციის კუპონის განაკვეთი 3-თვიან TIBR + 3.00% შეადგენს (ყიდვის მომენტში 14.15%). აღსანიშნავია, რომ მოცემულ ემისიაში ინვესტიცია რიგით მე-2 ადგილობრივ კორპორაციულ ობლიგაციებში ინვესტირებაა.
ამავდროულად, საპენსიო სააგენტო განაგრძობს აქტივების გლობალურ დივერსიფიკაციას და პირველი კვარტლის განმავლობაში განვითარებული ეკონომიკების ინდექსის ფონდთან ერთად შეიძინა დამატებითი გლობალური ინდექსების ფონდები. შედეგად, გლობალურ აქციებში ინვესტირების წილმა საპენსიო აქტივების 10%-ს გადააჭარბა და მომავალშიც ზრდა იგეგმება“, - ნათქვამია საპენსიო სააგენტოს ანგარიშში.