საქართველო 2023 წლის „კეთილდღეობის ინდექსში“ 167 ქვეყნიდან 53-ე ადგილზე გავიდა, მსოფლიო რეიტინგში ყველა მეზობელ ქვეყანას უსწრებს, პოსტსაბჭოთა ქვეყნებიდან კი მხოლოდ ბალტიისპირეთს ჩამორჩება. აღნიშნულ რეიტინგს და შესაბამის ანგარიშს ბრიტანეთის მოწინავე ანალტიკური ცენტრი Legatum Institute 2007 წლიდან აქვეყნებს.
კეთილდღეობის გრძელვადიანი, 10 წლიანი გაუმჯობესების მიხედვით საქართველო სამი მიმართულებით დასახელდა მსოფლიოს საუკეთესო ათეულებში. 2013-2023 წლებში საქართველოს სარეიტინგო მდგომარეობა მსოფლიოში 11 ადგილით გაუმჯობესდა.
დაცულობის და უსაფრთხოების რეიტინგის ათწლიანი გაუმჯობესებით საქართველო მსოფლიოს საუკეთესო ათეულში მე-3 ადგილზეა. ამ პერიოდში სარეიტინგო პოზიცია საქართველომ 46 ადგილით გაიუმჯობესა.
საინვესტიციო გარემოს ათწლიანი პროგრესით საქართველო მსოფლიოს საუკეთესო ათეულში მე-3 ადგილზე გავიდა, პოზიციის 25 ადგილიანი წინსვლით.
საცხოვრებელი პირობების ათწლიანი გაუმჯობესებით საქართველო მსოფლიოს საუკეთესო ათეულში 3-ე ადგილზე გავიდა. ამ პერიოდში საქართველოს რეიტინგი 19 პოზიციით გაუმჯობესდა.
ორგანიზაცია Legatum Institute გლობალურ კეთილდღეობას 12 აგრეგატის მიხედვით აფასებს :
- დაცულობა და უსაფრთხოება,
- პერსონალური თავისუფლება,
- მმართველობა
- სოციალური კაპიტალი,
- საინვესტიციო გარემო,
- სამეწარმეო კონდიცია,
- ბაზარზე წვდომა და ინფრასტრუქტურა,
- ეკონომიკის ხარისხი,
- საცხოვრებელი პირობები,
- ჯანმრთელობა,
- განათლება,
- ბუნებრივი გარემო(ეკოლოგია).
კეთილდღეობის ინდექსში
