სანქცირებულმა მოსამართლე ლევან მურუსიძემ საზოგადოებისთვის განმარტება გააკეთა. მისი თქმით სიტყვები: „თუ ახლა აშშ-ში ან ევროკავშირში არ შემიშვებენ, არც ბაბუაჩემს არ უვლია“, საზოგადოებამ არასწორად გაიგო.
„მე ვთქვი, რომ საქართველო არის ღვთისმშობლის წილხვედრი ქვეყანა და ვივლი საქართველოს მასშტაბით და ამიტომ, ბაბუაჩემზე, რომ ვთქვი, არ იყო ევროპაში და ამერიკაში ნამყოფი მეთქი, ჩვენი არასამთავრობო სექტორი არასწორად იგებს, ვიგულისხმე, რომ სულაც არ არის აუცილებელი, ადამიანი შეიძლება არ იყოს ნამყოფი თავისი ცხოვრების განმავლობაში არც აშშ-ში და არც ევროკავშირში იყოს ნამყოფი, მაგრამ იყოს წესიერი და კარგი მოქალაქე," - განაცხადა მურუსიძემ.