საქართველო-აზერბაიჯანს შორის სავაჭრო ბრუნვა გაიზარდა. საქსტატის მონაცემებით, მიმდინარე წლის 3 თვეში საქართველოდან აზერბაიჯანში 125,358 მლ აშშ დოლარის პროდუქტი გავიდა, რაც 20,78 მლნ აშშ დოლარით მეტია, წინა წლის 3 თვის მონაცემებთან შედარებით. 2021 წლის იანვარ-მარტში, აზერბაიჯანში 104,578 მლნ აშშ დოლარის პროდუქტის ექსპორტი განხორციელდა.
რაც შეეხება იმპორტის მაჩვენებლებს, მიმდინარე წელს საქართველომ აზერბაიჯანში 230,040 მლნ აშშ დოლარის პროდუქტი შეიძინა, გასული წლის იანვარ-მარტში კი - 145,987 მლნ აშშ დოლარის.
ამასთან, აღსანიშნავია, რომ წლიურ ჭრილში, აზერბაიჯან-საქართველოს შორის სავაჭრო ბრუნვა განსაკუთრებით პანდემიის პერიოდში გაიზარდა. კერძოდ, საქსტატის მონაცემებით, 2020 წელს ქვეყნებს შორის ბრუნვამ 954,500 მლნ აშშ დოლარი შეადგინა, ხოლო 2021 წელს 1,130 მლრდ აშშ დოლარი.
„ბიზნესპრესნიუსი“ დაინტერესდა, რომელია ის ძირითადი პროდუქტები, რასაც ვყიდით და ვყიდულობთ აზერბაიჯანში.
ტოპ-10 პროდუქტი, რომელიც 2022 წლის იანვარ-მარტში საქართველომ აზერბაიჯანში შეიძინა:
- ნავთობის აირები და აირისებრი ნახშირწყალბადები სხვა -149,187 მლნ აშშ დოლარი
- ნავთობი და ნავთობპროდუქტები -33,055 მლნ აშშ დოლარი
- წნელები ნახშირბადიანი ფოლადისაგან, შემდგომი დამუშავების გარეშე - 9,337 მლნ აშშ დოლარი
- ელექტროენერგია - 9,027 მლნ აშშ დოლარი
- ცემენტი - 6,034 მლნ აშშ დოლარი
- ნავთობის კოქსი, ნავთობის ბიტუმი და ნავთობის გადამუშავების სხვა ნარჩენები - 3,453 მლნ აშშ დოლარი
- შაქარი - 2,085 მლნ აშშ დოლარი
- თაბაშირი; ანჰიდრიტი; ბათქაში - 1,233 მლნ აშშ დოლარი
- ჩაი, არომატიზებული ან არაარომატიზებული - 1,081 მლნ აშშ დოლარი
- ზეთი მზესუმზირისა, ალისარჩულისა ან ბამბისა და მათი ფრაქციები - 850.4 ათასი აშშ დოლარი
ტოპ-10 პროდუქტი, რომელიც 2022 წლის იანვარ-მარტში საქართველომ აზერბაიჯანში გაიტანა:
- მსუბუქი ავტომობილები - 50,890 მლნ აშშ დოლარი
- სატელეფონო აპარატები, ფიჭური ქსელებისთვის ან სხვა უსადენო ქსელებისთვის განკუთვნილი ტელეფონების ჩათვლით - 8,986 მლნ აშშ დოლარი
- სამრეწველო დამზადების სხვა თამბაქო და თამბაქოს სამრეწველო შემცვლელები - 5,873 მლნ აშშ დოლარი
- სამკურნალო საშუალებები დაფასოებული - 5,150 მლნ აშშ დოლარი
- ტარა ქაღალდის, მუყაოს, ცელულოზის ბოჭკოს ბამბის ან ტილოსაგან - 4,949 მლნ აშშ დოლარი
- ფეროშენადნობები - 3,846 მლნ აშშ დოლარი
- კოპტონი და სხვა მყარი ნარჩენები, მიღებული სოიოს ზეთის ექსტრაჰირებისას - 3,644 მლნ აშშ დოლარი
- ბამბა საფეიქრო მასალებისაგან, საფეიქრო ბოჭკოები სიგრძით არა უმეტეს 5 მმ-ისა - 2,682 მლნ აშშ დოლარი
- სატვირთო ავტომობილები - 2,634 მლნ აშშ დოლარი
- წყლები, მინერალურისა და დაგაზიანებულის ჩათვლით, შაქრის დანამატების შემცველობით - 2,539 მლნ აშშ დოლარი
წყარო: "ბიზნესპრესნიუსი"