საქართველოს საერთაშორისო სავაჭრო პალატამ (ICC-Georgia) საქართველოს საგარეო ეკონომიკური დამოკიდებულების ინდექსი (GFEDI) მოამზადა, რომელშიც აღნიშნულია, რომ საგარეო ეკონომიკური აქტივობა მშპ-ზე უფრო სწრაფი ტემპით იზრდებოდა.

2003 წ. - წარმოადგენს მშპ-ს 53%-ს,

2012 წ. - წარმოადგენს მშპ-ს 86%-ს,

2022 წ. - წარმოადგენს მშპ-ს 122%-ს.

ევროკავშირის ეკონომიკური დამოკიდებულება საერთო ჯამთან შედარებით თანმიმდევრულია: 2003წელი (21%), 2012 წელი (23,6%) და 2022 წელი (23%).

თურქეთზე ეკონომიკური დამოკიდებულება საერთო ჯამთან შედარებით თანმიმდევრულია: 2003 წელი (10%), 2012 წელი (12,3%) და 2022 წელი (12%).

ჩინეთზე ეკონომიკური დამოკიდებულება რეგულარულად იზრდება წლების განმავლობაში: 2003 წელი (2%), 2012 წელი (5%), 2022 წელი (7,7%).

აშშ-ზე ეკონომიკური დამოკიდებულება 2003 წელს იყო (10%), 2012 წელს (4%) და 2022 წელს (7%), ზრდა 2012-2022 წლებში წარმოდგენილია ფულის ნაკადის და იმპორტის, ძირითადად მეორადი მანქანების რაოდენობის მნიშვნელოვანი ზრდით.

რუსეთზე ეკონომიკური დამოკიდებულება მკვეთრად მერყეობდა: 2003 წელი (16%), 2012 წელი (9,1%) და 2022 წელი (18,3%).

როგორც ICC-Georgia-ს მიერ შედგენილ ინდექსში წერია, 2022 წელს საქართველო ეკონომიკურად უფრო მეტად არის დამოკიდებული რუსეთზე, ვიდრე ოდესმე ყოფილა მისი დამოუკიდებლობის მოპოვების შემდგომ ისტორიაში.

„რუსეთზე 18,3%-იანი ეკონომიკური დამოკიდებულება (19% საერთაშორისო მოგზაურობის შემოსავლების ჩათვლით) სიკვდილით დასჯის მოლოდინს ჰგავს, თუ გავითვალისწინებთ, რომ რუსეთი არის მტერი, რომელსაც ოკუპირებული აქვს საქართველოს ტერიტორიის 20%, რომელმაც დაიწყო ომი საქართველოს წინააღმდეგ 2008 წელს, რომელთანაც საქართველოს არ აქვს
არანაირი დიპლომატიური ურთერთობა და რომელმაც წლების განმავლობაში არაერთხელ ჩაკეტა თავისი საზღვრები გასული 30
წლის განმავლობაში, რათა გაენადგურებინა საქართველოს ეკონომიკა და დაემორჩილებინა ქვეყანა“, — აღნიშნავენ ICC-Georgia-ში.

საქართველოს საგარეო ეკონომიკური დამოკიდებულების ინდექსი (GFEDI) მომზადებულია საქართველოს საერთაშორისო
სავაჭრო პალატის მიერ (ICC-Georgia) და გამოითვლება კვარტალურად საქართველოს საგარეო ეკონომიკური
დამოკიდებულების რეგულარული მონიტორინგისთვის.

საგარეო ეკონომიკური დამოკიდებულების ინდექსი გამოითვლება გამოკითხვაში თითოეული ქვეყნისთვის შემდეგი პარამეტრების ჯამის მიმატებით: იმპორტი + ექსპორტი + ფულის ნაკადი + პირდაპირი უცხოური ინვესტიციები + შემოსავლები საერთაშორისო მოგზაურობიდან. (5 პარამეტრი) -თითოეული ქვეყნის ეკონომიკური წონა პროპორციულია იმ პროცენტისა, რომელსაც ეს ქვეყანა წარმოადგენს საერთო ჯამიდან და მშპ-დან