ომის დაწყების შემდეგ ოფიციალური მონაცემებით რუსეთ-საქართველოს საზღვარი დაახლოებით 1,5 მილიონმა რუსეთის მოქალაქემ გადაკვეთა. რამდენი დარჩა უცნობია, თუმცა დედაქალაქის ქუჩებში მათი სიმრავლე შეინიშნება. ამის შესახებ Euronews წერს. 

როგორც გამოცემა წერს, საქართველოს მოქალაქეების დაახლოებით 70% რუსების ჩამოსვლას უარყოფითად აფასებს, რუსეთთან სავიზო რეჟიმის დაწესებას უჭერს მხარს და აცხადებს, რომ მათი ჩამოსვლა  ქვეყანაზე  უარყოფითად იმოქმედებს.

Euronews  ასევე  წერს, რომ რუსები  საქართველოში  დამკვიდრებას  ცდილობენ, სწავლობენ ენას, მართავენ ბიზნესებს  და საქართველოდან წასვლას აღარც გეგმავენ. 

ენის გაკვეთილები

რუსების  ჩამოსვლის შემდეგ საქართველოში ათასობით  რუსული  კომპანია  დარეგისტრირდა.  რუსები რომლებიც  საქართველოში მობილიზაციას გამოექცნენ ადაპტაციას ცდილობენ, ისინი კი ვინც საქართველოში გრძელვადიანად აპირებენ დარჩენას ენასაც სწავლობენ.

Euronews ასევე  წერს, რომ ომის დაწყების შემდეგ თბილისში რუსული  კაფეები, გასართობი  ადგილები და სხვადასხვა  ორგანიზაციები მომენტალურად მომრავლდა. საქართველოს დედაქალაქში არის რუსული მაღაზიებიც.

რუსები საქართველოში დარჩენას აპირებენ

„საერთაშორისო გამჭვირვალობის“ მონაცემებით  ომის  დაწეყების  შემდეგ საქართველოში 15000 -ზე  მეტი  რუსული  ბიზნესი  დარეგისტრიდა, სწორედ ამის გამო თვლიან ექსპერტები, რომ მობილიზაციას გაქცეული რუსები საქართველოში დასარჩენად ჩამოვიდნენ.

“საერთაშორისო გამჭვირვალობა“ საქართველოს უფროსი ანალიტიკოსი ბესო ნამჩავაძე Euronews - სთან ამბობს, რომ ერთ მისამართზე ასობით კომპანიაა დარეგისტრიებული

„არის რამდენიმე სოფელიც კი, სადაც სულ რაღაც ორ თვეში 400-მდე კომპანიაა რეგისტრირებული. მათ სჭირდებათ ეს მისამართები ფორმალური მოთხოვნებისთვის. მათ უნდათ აქ დარჩენა, ზოგს უნდა მუშაობა, ან ბიზნესის შექმნა, მაგრამ მიუხედავად იმისა, რომ ინდმეწარმედ დარეგისტრირდებიან, ეს ბინადრობის მოწმობის მიღებას აადვილებს“ -  აცხადებს ნამჩავაძე.