Visual Capitalist-მა 2023 წლისთვის უმუშევრობის დონის პროგნოზების რეიტინგი გამოაქვეყნა. რეიტინგი საერთაშორისო სავალუტო ფონდის (IMF) ეკონომიკური პერსპექტივების ანგარიშის მონაცემებს ეყრდნობა. IMF-ის პროგნოზით, G7-ის ექვს ქვეყანაში უმუშევრობის დონე ყველაზე დაბალია ბოლო საუკუნის განმავლობაში.
საქართველო Visual Capitalist-ის მიერ გამოქვეყნებული ყველაზე მაღალი უმუშევრობის დონის რეიტინგის ათეულში მოხვდა. ის მეოთხე ადგილზეა 19.5%-იანი მაჩვენებლით და უმუშევრობის დონით მხოლოდ ისეთ ქვეყნებს უსწრებს, როგორებიცაა - სამხრეთი აფრიკა (35.6%), სუდანი (30.6%), მდინარე იორდანეს დასავლეთი ნაპირი და ღაზა (25.0%).
ათეულში მოხვდა სომხეთი, სადაც IMF-ის პროგნოზით უმუშევრობის დონე 2023 წელს 15.1%-ს მიაღწევს, აღნიშნული მაჩვენებელი თურქეთში 10.5%-ია, აზერბაიჯანში - 5.8%, რუსეთში - 4.3% იქნება.
2023 წელს მსოფლიოში უმუშევრობის ყველაზე მაღალი მაჩვენებელი სამხრეთ აფრიკაში დაფიქსირდება და 35.6%-ს მიაღწევს.
ევროპაში უმუშევრობის ყველაზე მაღალი მაჩვენებელი ბოსნიასა და ჰერცეგოვინაში იქნება და ის 17%-ს აღემატება. მას მოსდევს ჩრდილოეთ მაკედონია (15.0%) და ესპანეთი (12.7%). უმუშევრობის ეს მაჩვენებლები ორჯერ აღემატება ევროპის განვითარებული ეკონომიკების პროგნოზებს.
შეერთებულ შტატებში უმუშევრობის დონე 4,6%-ით არის პროგნოზირებული და ეს ყველაზე დაბალი მაჩვენებელია 1969 წლის შემდეგ.
2023 წელს უმუშევრობის მაღალი დონის მიხედვით ქვეყნების რეიტინგი ასე გამოიყურება:
1. სამხრეთი აფრიკა – 35.6%
2. სუდანი – 30.6%
3. მდინარე იორდანეს დასავლეთი ნაპირი და ღაზა – 25.0%
4. საქართველო – 19.5%
5. ბოსნია და ჰერცეგოვინა – 17.2%
6. სომხეთი – 15.1%
7. ჩრდილოეთი მაკედონია – 15.0%
8. კოსტა-რიკა – 13.2%
9. ბაჰამის კუნძულები – 12.7%
10. ესპანეთი – 12.3%