საქართველოს მოქალაქეების მიერ ევროკავშირსა და შენგენის ზონაში თავშესაფრის მაძიებელთა რაოდენობა 2022 წელს, წინა წელთან შედარებით თითქმის გაორმაგდა და 28 797 შეადგინა. მონაცემებს ევროკავშირის თავშესაფრის სააგენტო (EUAA) აქვეყნებს.
აქედან უმრავლესობამ - 26 400-მა ქართველმა ევროკავშირში თავშესაფარი პირველად მოითხოვა, 2 397-მა კი - განმეორებით.
საქართველოს მხოლოდ 468 მოქალაქეს აქვს მიღებული ლტოლვილის სტატუსი ევროკავშირში, 15 328 განაცხადი განიხილება.
2017 წლის მარტიდან საქართველოს მოქალაქეებმა ევროკავშირში უვიზო მიმოსვლის უფლება მიიღეს. მას შემდეგ ქვეყნიდან ევროპაში არალეგალური მიგრანტების ნაკადი მიედინება, რომლებიც ევროზონაში ტურისტების სტატუსით შედიან, მაგრამ მათი დიდი ნაწილი უკან არ ბრუნდება. ასეთი მოქალაქე უკვე 300 ათასია. თავისთვის ყველაზე მიმზიდველ მიგრანტებად
2022 წელს საქართველოდან მეტმა ადამიანმა მოითხოვა თავშესაფარი ევროკავშირში, ვიდრე ომში მყოფი უკრაინიდან (28 318). თუმცა ეს აიხსნება იმით, რომ უკრაინიდან წასული დაახლოებით 4 მილიონი ადამიანი დროებითი თავშესაფრისთვის დარეგისტრირდა. EUAA-ს ცნობით, თურქებმა, ვენესუელელებმა, კოლუმბიელებმა, ბანგლადეშელებმა და ქართველებმა ყველაზე მეტი განაცხადი გააკეთეს 2008 წლიდან.
საქართველო იმ 3 ქვეყანას შორისაც მოხვდა, საიდანაც აპლიკაციების რაოდენობა 50%-დან 100%-მდე გაზიარდა. ეს ქვეყნებია: პაკისტანი (37 000 განაცხადი), ბანგლადეში (34 000 განაცხადი) და საქართველო (29 000 განაცხადი).
2022 წელს ევროკავშირის 27 ქვეყანაში 923 991 თავშესაფრის მოთხოვნა დარეგისტრირდა, რაც 46,5%-ით მეტია 2021 წელთან შედარებით. 2022 წელს გერმანიამ მიიღო 226 467 ლტოლვილის მოთხოვნა, რაც ყველაზე მაღალი მაჩვენებელია 2016 წლის შემდეგ და ამ მაჩვენებლით ლიდერობს ევროკავშირში. მეორე ადგილზეა საფრანგეთი (154 597), შემდეგ მოდის ესპანეთი (116 952) და ავსტრია (108 490). ყველაზე ნაკლები მაჩვენებელია - ლატვიაში (622), სლოვაკეთსა (544) და უნგრეთში (46) არიან.
საქართველოდან წასული თავშესაფრის მაძიებელთა რაოდენობა ბოლო 5 წლის განმავლობაში ასეთია:
2018 — 20 950 განაცხადი;
2019 — 22 765 განაცხადი;
2020 — 8 905 განაცხადი;
2021 — 14 970 განაცხადი;
2022 — 28 797 განაცხადი.
„ქართული ოცნების“ თავმჯდომარე ირაკლი კობახიძე, ბოლო წლებში, ქვეყნიდან მოსახლეობის მზარდ გადინებას ევროკავშირთან უვიზო მიმოსვლის რეჟიმის შემოღებას უკავშირებს.
ევროკავშირი
