მარტში, საქართველოდან ფულად გადარიცხვებში რუსეთი მეორე ადგილზე ჩამოქვეითდა, ეს მაშინ, როდესაც წინა თვეებსა თუ წლებში, ლიდერის პოზიციას იკავებდა. კერძოდ, მარტში რუსეთში 2,716 მლნ აშშ დოლარი გადაიგზავნა, თებერვალში კი - 6,292 მლნ აშშ დოლარი.
რაც შეეხება ზოგად მონაცემებს, ეროვნული ბანკის ინფორმაციით, 2022 წლის მარტში საქართველოდან უცხოეთში ჯამში, 23, 983 მლნ აშშ დოლარი გადაირიცხა, ხოლო თებერვალში - 26,744 მლნ აშშ დოლარი.
ამასთან, საქართველოდან მარტში გადარიცხული თანხის მოცულობით, ამჯერად თურქეთი ლიდერობს, რომელსაც რუსეთი და მესამე ადგილზე უკრაინა მოსდევს.
გთავაზობთ ტოპ -10 ქვეყანას, სადაც გასულ თვეში საქართველოდან ყველაზე მეტი ფულადი გზავნილი განხორციელდა.
- თურქეთი - 5,1 მლნ აშშ დოლარი
- რუსეთის ფედერაცია - 2,716 მლნ აშშ დოლარი
- უკრაინა - 2,377 მლნ აშშ დოლარი
- საბერძნეთი - 1,659 მლნ აშშ დოლარი
- აზერბაიჯანი - 1,651 მლნ აშშ დოლარი
- პოლონეთი - 1,420 მლნ აშშ დოლარი
- სომხეთი - 942.8 ათასი აშშ დოლარი
- აშშ - 856.9 ათასი აშშ დოლარი
- უზბეკეთი - 780.5 ათასი აშშ დოლარი
- ყაზახეთი - 728.7 ათასი აშშ დოლარი
წყარო: "ბიზნესპრესნიუსი"