საქართველომ უკრაინულ მხარეს, შესაბამისი ნებართვების გარეშე, საქართველოს ტერიტორიაზე ორმხრივი და ტრანზიტული საერთაშორისო სატვირთო გადაზიდვების  უფლება მისცა.

როგორც „კომერსანტს“ სსიპ სახმელეთო ტრანსპორტის სააგენტოში განუცხადეს, სააგენტომ გაითვალისწინა უკრაინული მხარის თხოვნა და მათ სატრანსპორტო საშუალებებს და ეკიპაჟებს საგანგებო მდგომარეობის დასრულებამდე, საქართველოს ტერიტორიაზე შესაბამისი ნებართვების გარეშე, ორმხრივი და ტრანზიტული საერთაშორისო სატვირთო გადაზიდვების საშუალება მისცა.

უწყებაში განმარტავენ, რომ 2022 წლის 14 დეკემბერს სსიპ სახმელეთო ტრანსპორტის სააგენტომ უკრაინის საზოგადოების, ტერიტორიული და ინფრასტრუქტურის განვითარების მინისტრის მოადგილის წერილი მიიღო, რომლითაც უკრაინელი ჩინოვნიკი უკრაინაში რეგისტრირებულ სატვირთო გადამზიდავებისთვის, ქართული ნებართვების გარეშე, უკრაინის ტერიტორიაზე საგანგებო მდგომარეობის დასრულებამდე (წერილში აღნიშნული იყო, რომ უკრაინის პრეზიდენტის ბრძანებულებით უკრაინის ტერიტორიაზე საგანგებო მდგომარეობა გახანგრძლივდა 2023 წლის 19 თებერვლამდე)

„სსიპ სახმელეთო ტრანსპორტის სააგენტომ გაითვალისწინა უკრაინული მხარის თხოვნა და მისცა შესაძლებლობა მათ სატრანსპორტო საშუალებებს და ეკიპაჟებს, საგანგებო მდგომარეობის დასრულებამდე, საქართველოს ტერიტორიაზე განახორციელონ ორმხრივი და ტრანზიტული საერთაშორისო სატვირთო გადაზიდვები შესაბამისი ნებართვების გარეშე“, - განუცხადეს „კომერსანტს“ სსიპ სახმელეთო ტრანსპორტის სააგენტოში.