საქართველოს ბანკი აგრო მიმართულების მხარდაჭერას განაგრძობს. ამ მიზნით ბანკი ჩერასკოს ჰელისიკულტურის საერთაშორისო ინსტიტუტთან პარტნიორობას იწყებს. რაც იმას გულისხმობს რომ, საქარათველოს ბანკი საქართველოში ლოკოკინის წარმოების კიდევ უფრო მეტ ხელშეწყობას განაგრძობს. საქართველოს ბანკს უკვე დაფინანსებული აქვს რამდენიმე პროექტი, რაც საქართველოში ლოკოკინების ბიზნესის დაწყებასა და ექსპორტე გატანას ითვალისწინებს, თუმცა ჰელისიკულტურის საერთაშორისო ინსტიტუტთან თანამშრომლობის ფარგლებში ბანკი ამ მიმართულებას კიდევ უფრო გააძლიერებს. რა არის ჰელისიკულტურა? ეს არის ღია ცის ქვეშ, ლოკოკინების მოშენების სრულიად ბუნებრივი მეთოდი. სწორედ ამ მეთოდთან დაკავშორებით 19 თებერვალს, რედისონში ჰელისიკულტურის ჩერასკოს მეთოდის საინფორმაციო დღე გაიმართა. ღონისძიებაზე წარმოდგენილი იყო Chiocciola Metodo Cherasco-ს მიერ ის შესაძლებლობები, რომლესაც კომპანია ქართველ, ლოკოკინის ბიზნესით დაინტერესებულ ადამიანებს აძლევს. კომპანია საქართველოში ლოკოკინის წარმოების ხელშეწყობასა და იტალიაში, მის ექსპორტზე გატანასა გეგმავს.

„ლოკოკინა არის პროდუქტი, რომელიც უძველეს რეგიონალურ-გასტრონომიულ ტრადიციას წარმოადგენს, ის ასევე ფართოდ გამოიყენება კოსმეტოლოგიაში. მოხარული ვართ, რომ გვაქვს შესაძლებლობა, მხარდაჭერა გავუწიოთ ისეთ წამოწყებებს რეგიონში, რომელიც ერთის მხრივ, ხელს უწყობს განსხვავებული და რეგიონისთვის უნიკალური ბიზნესების წახალისებას, მეორეს მხრივ კი ადგილობრივი მოსახლეობის დასაქმებას, მათი შემოსავლების ზრდასა და ზოგადად რეგიონის ეკონომიკური მდგომარეობის გაუმჯობესებას. პროექტი ძალიან საინტერესოა იმით, რომ კომპანია წარმოებული პროდუქციის, ამ შემთხვევაში ლოკოკინის, საერთაშორისო ექსპორტზე გატანას გეგმავს. გვინდა წარმატებები ვუსურვოთ კომპანიას სამომავლო განვითარების გზაზე. ჩვენ არ ვჩერდებით და განვაგრძობთ აგრომიმართულების აქტიურ მხრდაჭერას“,- განაცხადა ბექა გონაშვილმა, საქართველოს ბანკის აგროსექტორის კოორდინატორმა.

(R)