საქართველოს ბანკი, როგორც ფინანსური ინსტიტუტი, ქალი მეწარმეების მხარდასაჭერად არაერთ პროექტს ახორციელებს. პანდემიის შედეგად საგრძნობლად გაზრდილი ონლაინ გაყიდვების ფონზე კი, ბანკი ქალ მეწარმეებს, Visa-სთან პარტნიორობით, ციფრული ადაპტაციის უფასო პროგრამას  “Adapter”-ს სთავაზობს.

პროექტის ფარგლებში ქალი მეწარმეები, რომელიც საქართველოს ბანკის მომხმარებლები არიან, ავტომატურად ჩაერთვებიან ციფრული ადაპტაციის პროგრამა „Adapter“-ში, რომელიც ბიზნესს ისეთ მნიშვნელოვან საკითხებში უწევს დახმარებას, როგორიცაა: დისტანციური გაყიდვები, გაყიდვების და მარაგების მართვა, საბანკო სერვისები, დისტრიბუცია და ლოგისტიკა.

ამ დროისთვის  „Adapter“-ის მეშვეობით უკვე  26 კომპანიაა გაციფრულებული. მათ შორისაა „იზოსია“ და Tamari Handmade in Georgia. კომპანიებში აღნიშნავენ, რომ გაციფრულების გარდა, ბანკი ბიზნესების წახალისების მიზნით, ზრუნავს მეწარმეების პროდუქციის სოციალური ქსელებით უკეთ წარმოჩენასა და ცნობადობის ზრდაზე.

„საქართველოს ბანკი სტრატეგიულად მნიშვნელოვანი პატნიორია ნებისმიერი როგორც მცირე, ისე საშუალო და მსხვილი ბიზნესისთვის. რაც შეეხება გაციფრულებას, ვთვლით, რომ 21-ე საუკუნეში ეს ერთ-ერთი მნიშვნელოვანი ნაბიჯია, რადგან საჭიროა, რომ მოერგო ახალ ციფრულ სამყაროს, რათა უფრო წარმატებით, სწრაფად და მოქნილად შეძლო შემდგომი განვითარება. Extra.ge-მ ხელი შეუწყო, რომ უფრო მეტ მომხმარებელს მივაწვდინოთ ხმა ჩვენს შესახებ, გავზარდოთ ბრენდის ცნობადობა და მომხმარებელს მივცეთ შესაძლებლობა, კომფორტულად  და მარტივად მიწვდნენ ჩვენს პროდუქტს“, - განაცხადა კომპანია „იზოსიას“ წარმომადგენელმა მარიამ წერეთელმა.

„საინტერესო შესაძლებლობა მოგვცა „Adapter”-მა, 6 თვის განმავლობაში ის სრულიად უფასოა.  ვისარგებლე კიდეც ამ შემოთავაზებით და extra.ge- ზე განვათავსე ჩემი ხელნაკეთი ნივთები. ვფიქრობ ეს ინიციატივა ყველა მეწარმე ქალისთვის ძალიან მნიშვნელოვანია, მითუმეტეს პანდემიის პერიოდში, როდესაც ყველა ცდილობს ონლაინ შეიძინოს ნივთები. საქართველოს ბანკი ყოველთვის გვერდში უდგას მეწარმეებს, განსაკუთრებით ქალებს“, - აღნიშნა Tamari Handmade in Georgia-ს წარმომადგენელმა თამარ გოგიტიძემ.

„მოხარული ვართ, რომ Visa-სთან პარტნიორობით გვაქვს შესაძლებლობა, კიდევ უფრო მეტად დავუჭიროთ მხარი ქალ მეწარმეებს და ხელი შევუწყოთ მათი საქმიანობის განვითარებას. დღეს ბიზნესისთვის სასიცოცხლოდ მნიშვნელოვანია ციფრული გაყიდვების არხის ქონა. სწორედ ამიტომ, გადავწყვიტეთ ჩვენი მომხმარებელი ქალი მეწარმეების „Adapter”-ში ჩართვა. პროგრამის ფარგლებში ისინი შეძლებენ მარტივად გააციფრულონ საკუთარი მაღაზიები და ამგვარად განაგრძონ პროდუქციის ონლაინ გაყიდვა. ამასთან, სოციალური ქსელების საშუალებით აქტიურად ჩავერთვებით მათი პროდუქციის პოპულარიზაციაში, რათა გავზარდოთ მათზე ცნობადობა. გვჯერა, რომ პროექტი მნიშვნელოვან როლს ითამაშებს ქალი მეწარმეების და ზოგადად ადგილობრივი ბიზნესის გაჯანსაღებაში. გვინდა წარმატება ვუსურვოთ პროექტის მონაწილეებს“, - განაცხადა საქართველოს ბანკის მცირე და საშუალო ბიზნესის მიმართულების ხელმძღვანელმა, ზურაბ მასურაშვილმა.

”Visa–ს მისიის მნიშვნელოვან ასპექტს ინდივიდუალური ბიზნესისა და ეკონომიკის განვითარება წარმოადგენს. ბოლო ერთი წლის განმავლობაში, ჩვენ ფოკუსირება მოვახდინეთ მცირე და საშუალო ბიზნესისა და მეწარმე ქალების მხარდაჭერაზე. ჩვენი მიზანია, ვუზრუნველვყოთ ქალი ანტრეპრენერების მცირე ბიზნესები სხვადასხვა რესურსით, საჭირო ინფორმაციითა და ახალი შესაძლებლობებით, რაც მათ ბიზნესის გარდაქმნასა და განვითარებაში დაეხმარება. ჩვენ ამას სხვადასხვა მეთოდით ვაკეთებთ - Visa-ს She's Next ინიციატივის საშუალებითა თუ საგანმანათლებლო პროგრამით, რომელიც მიზნად ისახავს ქალებს შესძინოს საჭირო ცოდნა და უნარები თავიანთი ბიზნესის დიჯიტალიზაციისთვის. ჩვენ გვჯერა, რომ ერთობლივი ძალისხმევით შეგვიძლია დავეხმაროთ ბიზნესს უკეთესად ადაპტირდნენ ახალ რეალობაში”,- განაცხადა კრისტინა დოროშმა, Visa– ს რეგიონალურმა მენეჯერმა კავკასიის რეგიონში.

დამატებითი ინფორმაციის მიღება შესაძლებელია შემდეგ ბმულზე: https://bankofgeorgia.ge/ka/business/business-services/adapter