საქართველოს ბანკი ქვეყნის მასშტაბით ბიზნესის მხარდაჭერას განაგრძობს. საქართველოს ბანკთან თანამშრომლობით ბათუმში სარკის საწარმო აშენდა. ბანკის დახმარებით, კომპანიამ 501 კვ.მ მიწის ფართობი შეიძინა, სადაც 200 კვ.მ საწარმოო შენობა მოეწყო. პროექტის ჯამური ღირებულება 500 000-ია. ბანკის ინვესტიცია კი 400 000 ლარს შეადგენს.
როგორც კომპანია HD Mirror - ის დამფუძნებელი ნაჯი მამულაძე „კომერსანტთან“ აღნიშნავს საქართველოს ბანკის დახმარებით წარმოება სრულიად დამოუკიდებელი გახდა.
„საქართველოს ბანკის სესხის დახმარებით წარმოება გავხადეთ სრულიად დამოუკიდებელი, ჩვენი მთავარი ნედლეული არის სარკე და საქართველოს ბანკის ინვესტიციამდე სხვაზე ვიყავით დამოკიდებული, რადგან დამუშავებას ვერ ვახდენდით, დანადგარებისთვის გვჭირდებოდა ფართი და დიდი თანხა, მოხდა ინვესტირება, შევიძინეთ დანადგარები და ჩამოვიტანეთ, ავაშენეთ საწარმო და ახლა სარკეების იმპორტს ჩვენ თვითონ ვახდენთ და არავისზე არ ვართ დამოკიდებული.
მასალა შემოგვაქვს საზღვარგარეთიდან. შემოდის დიდი ფორმატები, შემდეგ ეს იჭრება და სასურველ ზომაზე მუშავდება და ყველა საჭირო ეტაპის გავლის შემდეგ მიდის რეალიზაციაში.
ჩვენ ბათუმში გვაქვს შოუ რუმი , ძირითადად საბითუმო მიმართულება გვაქვს და სასტუმროები „მერიოტი“, „ჰილტონი“ ჩვენი სარკეებით არის აღჭურვილი და ამის გარდა ძალიან ბევრი პროექტები გვაქვს შესრულებული.
ჩვენი საქმიანობა 2017 წლიდან იწყება და ჩვენი ძირითადი მიმართულება სარკეების დამზადებაა. ჩვენს პროდუქტს გამოარჩევს ის, რომ სარკეებს ვამზადებთ გაშრობის ფუნქციით, რომელსაც ვუყენებთ სპეციალურ ელექტრო მოწყობილობას, რაც სარკეს არ აძლევს დაორთქვლის საშუალებას. ასევე, ვაწარმოებთ ნებისმიერი სახის დეკორატიულ სარკეებს, რომლის რეალიზებაც, ამ ეტაპისთვის, როგორც საბითუმოდ, ისე საცალოდ ხდება ავეჯის მწარმოებელ და სამშენებლო კომპანიებზე, აჭარის და გურიის ტერიტორიაზე, ხოლო თბილისსა და სხვა რეგიონებში, მცირე რაოდენობით ვაწოდებთ. ამ დროისთვის საბითუმო და საპროექტო გაყიდვებმა 350 000 ლარი შეადგინა“ - განაცხადა ნაჯი მამულაძემ.
როგორც საქართველოს ბანკის მიკრო ბიზნესის დეპარტამენტის ბიზნესის განვითარების სამსახურის უფროსმა გიორგი ბოჩიკაშვილმა აღნიშნა, საქართველოს ბანკი მუდმივად მზად არის დაუჭიროს მხარი ისეთ ბიზნესს, რომელიც მუდმივად განვითარებაზეა ორიენტირებული და არ ჩერდება.
„საქართველოს ბანკის ერთ-ერთ პრიორიტეტულ მიმართულებას ადგილობრივი ბიზნესის მხარდაჭერა წარმოადგენს. მოხარული ვართ, რომ ჩვენი ფინანსური მხარდაჭერით კიდევ ერთი ბიზნესი ვითარდება, რომელმაც შეძლო, ახალი საწარმოს აშენება. მცირე მეწარმე სამომავლოდ უკვე ფიქრობს განვითარებაზე და საწარმოს გაფართოებაზე. სურს სარკეების შემდეგ მინის წარმოებაც დაიწყოს. ჩვენ მუდმივად მზად ვართ, მხარი დავუჭიროთ რეგიონში ისეთ ბიზნესს, რომელიც არ ჩერდება და მუდმივ განვითარებაზე ფიქრობს “,- განაცხადა გიორგი ბოჩიკაშვილმა, საქართველოს ბანკის მიკრო ბიზნესის დეპარტამენტის, ბიზნესის განვითარების სამსახურის უფროსმა.
(R)