საქართველოს ბანკი მსხვილი პროექტების განხორციელებას არა მხოლოდ საქართველოში, არამედ ქვეყნის გარეთაც აქტიურად უჭერს მხარს. ბანკისა და კომპანია „კავკასუს როუდ პროჯექტის“ ერთობლივი პარტნიორობის შედეგად ერევანში 252 მეტრი სიგრძისა და 30 მეტრი სიგანის, რთული კონსტრუქციის, პალალელური სახიდე ნაგებობის მშენებლობა წარმატებით დასრულდა. პროექტის ჯამური ოდენობა 13 500 000 მლნ აშშ დოლარს შეადგენს.

„კავკასუს როუდ პროჯექტი“ მაღალკვალიფიციური და პროფესიონალი კადრებით აგრძელებს ახალი ტექნოლოგიების, მიდგომების დანერგვას და ქართულ ბაზარზე წამყვან კომპანიად რჩევა. ამასთან, წლების განმავლობაში დაგროვილი ცოდნა და გამოცდილება გვაძლევს შესაძლებლობას, როგორც საერთაშორისო კომპანია, ჩავერთოთ ქვეყნის ფარგლებს გარეთ მიმდინარე პროექტებში. სწორედ ასეთი პროექტია ერევანში პალალელური სახიდე ნაგებობა. პროექტის სირთულიდან გამომდინარე 2-მა იტალიურმა კომპანიამ ვერ შეძლო მისი განხორხიელება, თუმცა ჩვენ ეს გამოწვევად მივიღეთ და პროექტი წარმატებითაც განვახორციელეთ. აღსანიშნავია, რომ პროექტში დასაქმებული იყო 70 ადამიანი. მათი 95%- ი კი სწორედ ქართველი სპეციალისტებით იყო დაკომპლექტებული. ჩვენ ამ პროექტით არ ვჩერდებით და ვფიქრობთ ქვეყნის ფარგლებს გარეთ მუშობას, თუმცა ბუნებრივია, აქტიურად ვრჩებით ადგილორივ ბაზარზეც“,- განაცხადა „კავკასუს როუდ პროჯექტის“ მფლობელმა და გენერალურმა დირექტორმა, პაატა ტრაპაიძემ.

„მოხარული ვართ რომ ბანკისა და „კავკასუს როუდ პროჯექტის“ თანამშრომლობით პროექტები არამხოლოდ ქვეყნის შიგნით, არამედ მის ფარგლებს გარეთაც წარმატებით ხორციელდება. აღსანიშნავია, რომ „კავკასუს როუდ პროჯექტი“ გზების მშენებლობის სფეროში საქართველოში ერთერთი მსხვილი კომპანიაა. ის 2005 წელს დაარსდა და სულ რამდენიმე წელში დარგის ერთერთ ლიდერად იქცა. კომპანიამ შეძლო ერევანში საკმაოდ დიდი სირთულის მქონდე პროექტის წარმატებით დასრულება. ეს კი მიიღწევა თავდაუზოგავი შრომით, წლების განმავლობაში დაგროვილი გამოცდილებითა და მაღალკვალიფიციური კადრებით. გვინდა წარმატებები ვუსურვოთ კომპანიას სამომავლო გეგმებში. ჩვენ კი არ ვჩერდებით და ვაგრძელებთ ბიზნესის გვერდით დგომას, რადგან გვჯერა რომ ერთმანეთის შესაძლებლობები უსაზღვროა“,- განაცხადა ვალერი ნარსიამ, საქართველოს ბანკის კორპორაციული საბანკო მომსახურების დირექტორის მოადგილემ.

(R)