საქართველოს ბანკი ქვეყნის მასშტაბით ბიზნესის მხარდაჭერას განაგრძობს. ბანკთან თანამშრომლობით თბილისში სატრენაჟორო დარბაზი „ფიტ ლაინ სპორტი“ გაიხსნა, რომელიც მომხმარებელს განსხვავებულ სივრცეს სთავაზობს. კომპანიამ ფიტნეს დარბაზთან ერთად ჯანსაღი კვების კაფეც მოაწყო.

პროექტის ჯამური ღირებულება 350 000 ევროა. საქართველოს ბანკის ინვესტიცია კი 80%-ს შეადგენს.

„საქართველოს ბანკი მხარს უჭერს მცირე და საშუალო ბიზნესის განვითარებას. ეს არის ბანკის ერთ-ერთი პრიორიტეტული მიმართულება. მოხარული ვართ, რომ ჩვენი ფინანსური მხარდაჭერით კიდევ ერთი ბიზნესი ძლიერდება, რომელმაც შეძლო და ახალი, განსხვავებული სივრცე მოაწყო. სატრენაჟორო დარბაზი მომხმარებელს, როგორც ინსტრუქტაჟს, ასევე, სწორ კვებასაც სთავაზობს, რაც კიდევ უფრო მეტად უწყობს ხელს ჯანსაღი ცხოვრების სტილს. ჩვენ მუდმივად მზად ვართ, მხარი დავუჭიროთ ისეთ ბიზნესს, რომელიც არ ჩერდება და უწყვეტ განვითარებაზე ფიქრობს“,- აცხადებენ საქართველოს ბანკში.

კომპანია „ფიტ ლაინ სპორტი“-ს მენეჯერი, გიორგი შველიძე კი აღნიშნავს, რომ საქართველოს ბანკის დახმარებით სპორტ დარბაზისთვის ფართი შეიძინეს და ახალი ტრენაჟორებიც დადგეს.

„საქართველოს ბანკის დახმარებით ფართის, ტრენაჟორებისა და სხვადასხვა დანადგარების შეძენა შევძელით. ასევე, მოვახერხეთ ფართის გარემონტება. დღეს 28-30 ტრენაჟორი გვაქვს და 300-მდე აქტიური მომხმარებელი გვყავს. ცხოვრების ჯანსაღი წესის ხელშეწყობის მიზნით ჩვენი მომხმარებლებისთვის კაფის მოწყობაც გადავწყვიტეთ, სადაც ისინი სწორად კვებას შეძლებენ. ასევე, დავამატეთ ადგილზე მიტანის სერვისიც, რაც ჩვენს მომხმარებელს კიდევ უფრო მეტ კომფორტს უქმნის“, - ამბობს კომპანიის მენეჯერი, გიორგი შველიძე.

სატრენაჟორო დარბაზში შესაძლებელია, როგორც ჯგუფური ვარჯიშები, ასევე ინდივიდუალური ფიტნეს ინსტრუქტორის აყვანა. სურვილის შემთხვევაში კი მომხმარებელს ულიმიტო აბონიმენტის აღებაც შეუძლია.

„კომპანიას გამოარჩევს ის, რომ ინსტრუქტორი მომხმარებელს კონკრეტული კვების რაციონს უდგენს. იქვე მდებარე კაფე კი დღის ნებისმიერ მონაკვეთში მომხმარებელს ნატურალურ და ჯანსაღ საკვებ პროდუქტებს სთავაზობს“,- დასძენს გიორგი შველიძე.

(R)