საქართველოს ბანკი ბიზნესების მხარდაჭერასა და განვითარებას განაგრძობს. ამჯერად ბანკმა კომპანია „გლორიას“ მზის პანელების ელექტროსადგურის განთავსებისთვის 120000 ევროს ინვესტიცია გამოუყო, რის შედეგადაც კომპანიამ 200კვტ-იანი სადგური შეიძინა და დაამონტაჟა. კომპანია „გლორია“ 2017 წლიდან ოპერირებს ბაზარზე. ამ ეტაპზე კომპანიის მფლობელობაშია ორი ბენზინგასამართი სადგური. ბანკის მიერ გამოყოფილი ინვესტიციით საკუთარ კომერციულ ფართში სილამაზის სალონის, ტოტალიზატორის და სტომატოლოგიურიკაბინეტის გახსნას გეგმავს.

„გლორიას“ და საქართველოს ბანკის პატნიორობა 2019 წლიდან დაიწყო, კომპანიამ ბანკის მიერ გამოყოფილი ინვესტიციით, 185000 ევროდ შეიძინა და გაარემონტა კომერციული ფართი, ხოლო 50000 ევროდ მოაწყო სილამაზის სალონი და სტომატოლოგიური კაბინეტი.

„საქართველოს ბანკთან თანამშრომლობა პირველივე დღიდან ჩვენთვის ძალიან ნაყოფიერი იყო. უკანასკნელი ინვესტიციით ბენზინგასამართ სადგურზე 200 კილოვატიანი მზის ელექტრო სადგური დავამონტაჟეთ. ორ ბენზინგასამართზე საშუალო თვიური ელექტროენერგიის ხარჯი 5500 ლარამდე გვაქვს. მზის პანელებით თვეში კი 7000 ლარამდე ღირებულების ელექტროენერგიასვიღებთ. თვის განმავლობაში ელექტროენერგიის ნაწილს, დაახლოებით 3500-4000 ლარის ფარგლებში კი თავად ვყიდით.საქართველოს ბანკის დახმარებით ახალქალაქის ცენტრში ახალი ფართიც შევიძინე, სადაც ჩემი მეუღლე გეგმავს სტომატოლოგიური კაბინეტის გახსნას, ასევე სილამაზის სალონს და ტოტალიზატორს ვაკეთებთ. ასევე ვგეგმავ, მესამე ბენზინგასამართი სადგურის გახსნას“, - აღნიშნა კომპანიის წარმომადგენელმა გრიგორი ჰამბარცუმიანმა.

მზის პანელების ინსტალაცია „ენოვუსის“ ჩართულობით განხორციელდა.

(R)