საქართველოს ბანკი ბიზნესის მხარდაჭერას აქტიურ რეჟიმში აგრძელებს. ამ მიზნით, ბანკთან პარტნიორობით ე.წ. ტრდელნიკების კომპანია „ლუმიერსმა“ ქუთაისში ახალი ფილიალი გახსნა. პროექტის ჯამური ღირებულება 400 000 ლარია. ბანკის ინვესტიცია კი 50 000 ლარს შეადგენს.
„2017 წლიდან საქართველოს ბაზარზე ვართ და დღესდღეობით უკვე 4 ფილიალი და 2 სივრცე გვაქვს, საიდანაც გატანის სერვისს ვახორციელებთ. სამი თბილისში (ჭავჭავაძეზე, კოლმეურნეობაზე და ლისზე), ხოლო მეოთხე ქუთაისში მდებარეობს, რომელიც საქართველოს ბანკის ფინანსური დახმარებით გავხსენით.
ჩვენი უახლოესი გეგმები ისევ ფილიალების ზრდას უკავშირდება. გაზაფხულზე ბათუმში ვგეგმავთ ფილიალის გახსნათ, ამის შემდეგ უკვე ფილიალებს თბილისის სხვადასხვა უბანში დავამატებთ. საქართველოს ბანკის მხარდაჭერის იმედი მომავალშიც გვაქვს, რადგან ჩვენი მომხმარებლებისთვის ბევრ სიახლეებს ვგეგმავთ.
პროდუქცია რომელსაც ვაწარმოებთ, ე.წ. ტრდელნიკები, ეს არის ბელგიური შემწვარი ვაფლი, რომელსაც ნაყინთან, შოკოლადთან ან სხვადასხვაგვარი ტკბილეულისგან ვამზადებთ. უახლოეს მომავალში ვგეგმავთ ახალი გემოების დამატებას და ჩვენი ტკბილეულის უფრო მეტად გამრავალფეროვნებას“, - ამბობს კომპანია „ლუმიერსის“ თანადამფუძნებელი, თეიმურაზ გოგორიშვილი.
(R)