ჯერ კიდევ 2020 წელს, საქართველოს ბანკმა „ქართული წიგნის ინსტიტუტთან“ ერთად საერთაშორისო სტანდარტების მულტიფუნქციური სასწავლო სივრცეების, იდეათეკების პროექტის განხორციელება დაიწყო. პროექტის მთავარ მიზანს რეგიონების საჯარო სკოლებში განათლების ხელშეწყობა და თანამედროვე რესურსებზე წვდომის გაზრდა წარმოადგენდა.
შესაძლებლობებით სავსე სივრცეებად ქცეული იდეათეკები საქართველოს მასშტაბით 4 საჯარო სკოლაში, ფოთში, დიცში, ხურვალეთსა და თბილისში შემოდგომის დასაწყისში გაიხსნა.
რეგულაციებისდაცვით, აღნიშნული სივრცეები პანდემიის პირობებშიც კი ფუნქციონირებენ და როგორც მოსწავლეები, ასევე პედაგოგები, აქტიურად აგრძელებენ იდეათეკებში არსებული რესურსის (ინტერნეტის, კომპიუტერების, წიგნების და სხვა შემეცნებითი ხელსაწყოების) გამოყენებას და ამგვარად სასწავლო პროცესის კიდევ უფრო გამრავალფეროვნებას.
საგანმანათლებლო სივრცეებში არაერთი აქტივობაც იმართება, მათ შორის წიგნის საჯაროდ კითხვის საერთაშორისო დღე, შემაჯამებელი პრეზენტაციები, საერთაშორისო ონლაინ კონფერენციები და სხვა.სწორედ ერთ-ერთ ასეთ საგანმანათლებლო შეხვედრას უმასპინძლა სულ ახლახან თბილისის 146-ე საჯარო სკოლაში არსებულმა იდეათეკამ.
შეხვედრას დათო ტურაშვილი ონლაინ რეჟიმში გაუძღვა, მოსწავლეები კი როგორც თბილისის, ასევე ფოთის, დიცისა და ხურვალეთის სკოლებში მოწყობილი იდეათეკებიდან ჩაერთნენ და სპიკერს კითხვებიც დაუსვეს.
"დათო ტურაშვილთან შეხვედრის დროს მოსწავლეებს შესაძლებლობა მოგვეცა საინტერესო ფორმატში განგვეხილა ისეთი მნიშვენოლავნისაკითხები, როგორიცაა ოკუპაცია და დღევანდელიგამოწვევები. ასევე ვისაუბრეთ პრობლემების გადაჭრის გზებზეც. იდეათეკამ საშუალება მოგვცა ეს პროექტი დისტანციურად, სხვა სკოლებთან ერთად ჩაგვეტარებინა“, - გვიყვება ლიკა ვეკუა, თბილისის 146-ე საჯარო სკოლის მოსწავლე. „მოსწავლეებისთვის ნამდვილად ძალიან საინტერესო და სასიამოვნოა ისეთ გარემოში მუშაობა, რომელიც თანამედროვე სწავლებისთვისსაჭირო ყველა რესურსით და ტექნიკითაა აღჭურვილი. ონლაინ გაკვეთილებიც აქ ტარდება, ყველა რეკომენდაციის დაცვით. ძალიან სასიხარულოა, რომ იდეათეკა გვაძლევს საშუალებას პანდემიის პარალელურად ჩავატაროთ უამრავი პროექტი, ყოველგვარი შეფერხებების გარეშე. მეტიც, მანძილის მიუხედავად ურთიერთობა დავამყაროთ სხვა ქალაქსა თუ სოფელში არსებულ სკოლებთან. მადლობას ვუხდით ყველას, ვინც მის დაგეგმვაში მიიღო მონაწილეობა. დიდი ინტერესით ველოდებით სამომავლოდ დაგეგმილ პროექტებს”.
ამ ყველაფერზე კიდევ ერთ მოსწავლეს, ნინა ყაველაშვილსაც გავესაუბრეთ: "ვფიქრობ იდეათეკა ხელს უწყობს ყველა მოსწავლეს, მათ შორის მეც. კომფორტული, სასიამოვნო და კრეატიული გარემო, რაც იდეათეკაში გვხვდება, კიდევ უფრო გვიჩენს იმის სურვილს, რომ მეტად შევიყვაროთ წიგნი და განვვითარდეთ. სწორედ იდეათეკაში ჩატარდა დათო ტურაშვილის ლექცია ოკუპაციის შესახებ. ძალიან საინტერესო შეხვედრა გამოვიდა და ამომწურავად გაეცა პასუხი ჩემს და სხვა იქ მყოფი მოსწავლეების მიერ დასმულ კითხვებს. მოხარული ვარ რომ გვაქვს საშუალება მივიღოთ მსგავს აქტივობებში მონაწილეობა და ასევე, გამოვიყენოთ იდეათეკა სხვადასხვა აქტივობებისთვის", - გვიყვება ნინა.
უკვე მრავალი წელია საქართველოს ბანკი განათლების მხარდაჭერის მიზნით სხვადასხვა პროექტებს ახორციელებს. როგორც საქართველოს ბანკის CSR მიმართულების ხელმძღვანელი, თამარ გოჩაშვილი გვიყვება, იდეათეკებმა უმნიშვნელოვანესი როლი ითამაშეს პანდემიის პერიოდში სასწავლო პროცესის გამრავალფეროვნებაში. „გვეამაყება, რომ ჩვენი ჩართულობით უკვე 4 სკოლაში მოეწყო და აღიჭურვა საგანმანათლებლო სივრცეები - იდეათეკები. იდეათეკები არის განათლების მღების დამატებითი შესაძლებლობა, სივრცე სადაც მოსწავლეს შეუძლია სასიამოვნო გაერმოში მიიღოს დამატებითი ინფორმაცია წიგნებით, ინტერნეტთან წვდომით და საინტერესო ადამიანებთან შეხვედრით. კიდევ უფრო სასიხარულოა, რომ აღნიშნულ სივრცეებში არსებული რესურსი აქტიურად გამოიყენება როგორც პედაგოგების, ასევე მოსწავლეების მიერ. სულახლახან, იდეათეკების დახმარებით მოსწავლეებისათვის დათო ტურაშვილთან ვირტუალური შემეცნებითი შეხვედრაც გაიმართა. დარწმუნებული ვართ, რომ იდეათეკები მომავალში კიდევ არაერთ მნიშვნელოვან ღონისძიებას თუ აქტივობას უმასპინძლებენ, ეს კი ახალგაზრდებს საინტერესო ადამიანებთან შეხვედრას, მათი გამოცდილების გაზიარებასა და საჭირო ინფორმაციის მიღების შესაძლებლობას მისცემს, რაც მხოლოდ დადებითად აისახება ახალგაზრდების განვითარებაზე“,- აცხადებს თამარი.
ინფორმაციისთვის, პროექტის ფარგლებში, 2 500-მდე მოსწავლეს უკვე აქვს წვდომა და აქტიურად იყენებს საერთაშორისო სტანდარტების მულტიფუნქციურ სივრცეებს. საქართველოს ბანკი აგრძელებს იდეათეკების შექმნას, რათა მალე უფრო მეტმაახალგაზრდამ შეძლოს განათლებისთვის საჭირო რესურსებზე წვდომა და შესაბამისად, საკუთარი პოტენციალის უკეთ ათვისება.
(R)