საქართველოს ბანკის მხარდაჭერით საწებლის საწარმო “სარკო“ გაფართოვდა. ბანკის მიერ გამოყოფილი 150,000 ლარის მოცულობის ინვესტიციით, კომპანიამ ახალი დანადგარები შეიძინა და გაზრდილი წარმოების ფონზე, პროდუქცია ექსპორტზე გაიტანა.

 
„სარკო“ 3 სახეობის ტყემალს (წითელი, ყვითელი, მწვანე), საწებლებს (ცხარე, მსუბუქი), აჯიკას (მწვანე, წითელი) და სვანურ მარილს აწარმოებს. კომპანიის მფლობელობაშია ტყემლის ბაღები, რომელსაც „სარკო“ ადგილობრივი და ნატურალური პროდუქციის წარმოების მიზნით იყენებს.

 
აღსანიშნავია, რომ კომპანიის მიერ წარმოებული საწებლები ახლა უკვე უკრაინასა და რუსეთშია ხელმისაწვდომი.

 
„საქართველოს ბანკთან თანამშრომლობის შედეგად, ერთი წელია მნიშვნელოვნად გავიზარდეთ და საწარმო უკვე თვეში 35,000-მდე ლარის მოცულობის რეალიზაციას უზრუნველჰყოფს. ვგეგმავთ კიდევ უფრო გავზარდოთ მზა პროდუქციის ნაირსახეობა. თვის მანძილზე შეგვიძლია ვაწარმოოთ 41 000 ბოთლი მზა პროდუქცია.

ვიყენებთ ყველაფერს ადგილობრივს, გვაქვს ჩვენი ტყემლის ბაღები და მწვანილი ნიორი არის ყველაფერი რეგიონებიდან, ამით ვასაქმებთ და ვეხმარებით სოფელს ქონდეს შემოსავალი. პროდუქტი იყიდება საქართველოს მთელ ტერიტორიაზე. გავიტანეთ უკრაინაში და რუსეთის ზოგიერთ რეგიონში.

საქართველოს ბანკის მხარდაჭერით და ინვესტიციით კიდევ უფრო ვზრდით მიწოდების არეალს, მოლაპარაკება გვაქვს მსხვილ სუპერმარკეტებთან. ამასთან ვგეგმავთ უახლოეს მომავალში ვაწარმოოთ ცივი სადილები, მწნილები, ტომატი და კეტჩუპი“, - აცხადებს „სარკოს“ დამფუძნებელი ნანა ბარამიძე.

(R)