საქართველოს დერეფანში ტვირთბრუნვა 20.5%-ითაა გაზრდილი. ეკონომიკისა და მდგრადი განვითარების სამინისტროს მონაცემებით, 2022 წელს საქართველოს სატრანსპორტო დარგების (საავტომობილო, რკინიგზა, სამოქალაქო ავიაცია) მიერ საერთაშორისო გადაზიდვებით გადაზიდულმა ტვირთების რაოდენობამ 27.9 მილიონი ტონა შეადგინა, რაც 2021 წლის მონაცემებთან შედარებით 20.5%-ითა გაზრდილი (23.2 მილიონი ტონა).
მათ შორის:
· საავტომობილო ტრანსპორტი: 2022 წელს საავტომობილო ტრანსპორტით საერთაშორისო გადაზიდვებით გადაზიდულმა ტვირთების რაოდენობამ შეადგინა 15.0 მილიონი ტონა, რაც 2021 წელთან შედარებით 15.9% -ით მეტია (13.0 მილიონი ტონა).
· რკინიგზა: 2022 წელს საქართველოს რკინიგზით საერთაშორისო გადაზიდვებით გადაზიდულმა ტვირთების რაოდენობამ შეადგინა 12.9 მილიონი ტონა, რაც 2021 წელთან შედარებით 26.4%-ით მეტია (10.2 მილიონი ტონა).
მათ შორის:
2022 წელს BTK-თი (გარდაბანი-ახალქალაქი და უკუმიმართულება) გადაზიდულმა კონტეინერების რაოდენობამ შეადგინა 19,739 TEU, რაც 2021 წელთან შედარებით 3.7%-ით ნაკლებია (20,492 TEU).
2022 წელს შუა დერეფანზე ჩინეთიდან/კენ საქართველოს გავლით გადაზიდულმა კონტეინერების რაოდენობამ შეადგინა 10,936 TEU, რაც 2021 წელთან შედარებით 8.3%-ით მეტია (10,094 TEU).
ამასთან, 2022 წელს საქართველოს რკინიგზით ჯამურად გადაზიდულმა ტვირთების რაოდენობამ შეადგინა 14.8 მილიონი ტონა, რაც 2021 წელთან შედარებით 21.8%-ით მეტია (12.1 მილიონი ტონა).