2021 წლის 29 ივნისს, სასტუმროში „ შერატონი გრანდ თბილისი მეტეხი პალასი“ საქართველოს იურიდიული ფირმების ასოციაციამ (სიფა) რიგით მეშვიდე საერთო კრება გამართა. საერთო კრების ფარგლებში, ასოციაციის თავმჯდომარემ, ზვიად კორძაძემ, დამსწრე საზოგადოებას სიფას განვლილი 2 წლის საქმიანობის ანგარიში წარუდგინა, სიფას მიმდინარე პროექტებზე , სამომავლო განვითარების და საქმიანობის პერსპექტივებზე ისაუბრა.
კრებაზე ჩატარდა მმართველი ორგანოს, გამგეობის, ერთი წევრის არჩევა, გამოკლებული წევრის ნაცვლად, დარჩენილი 1 წლის ვადით.
კრებამ ასევე განიხილა და დაამტკიცა საწესდებო ცვლილება, რომელიც უკავშირდება სიფაში იურიდიული ფირმის ასოცირებულ წევრად მიღების საკითხს და კრიტერიუმებს. აღნიშნული ცვლილების შესაბამისად, საქართველოს იურიდიული ფირმების ასოციაციას უკვე შეიძლება ყავდეს როგორც ნამდვილი, ისე ასოცირებული წევრი იურიდიული ფირმები.
საერთო კრების ბოლოს გაიმართა სიფას მიერ სამშენებლო სამართალში ორგანიზებული, 4 თვიანი (48 კრედიტ საათი), სერთიფიცირებული, სასწავლო, პრაქტიკული კურსის წარმატებულ მსმენელებზე სერთიფიკატების გადაცემის ღონისძიება, რომელთაც სიფას სახელით მიენიჭათ სამშენებლო სამართლის სპეციალისტის კვალიფიკაცია.
საქართველოს იურიდიული ფირმების ასოციაცია აერთიანებს 23 წამყვან იურიდიულ ფირმას და 200-მდე ასოცირებულ წევრს.
(R)