„ეს ძალიან სულელური ნებიჯი იყო, აბსოლუტურად სულელური
იდეა იყო მელიას დაპატიმრება. ეს რისკის ქვეშ აყენებს სამოქალაქო მშვიდობას, საქართველოს
არასტაბილურობისთვის გაწირეს. მათ რადიკალიზმს
ჩაუყარეს საფუძველი. ეს ნაბიჯები კიდევ უფრო დაგვაშორებს ინვესტორებთან როგორც ქვეყნის
გარეთ, ასევე ქვეყნის შიგნით,“ - ამის შესახებ „კომერსანტთან“ საერთაშორისო სავაჭრო პალატის ინვესტორთა საბჭოს თავმჯდომარემ ფადი ასლიმ საქართველოში ნიკა მელიას დაკავების ფაქტზე და მიმდინარე დაძაბულობის შეფასებისას ისაუბრა.
„მათ საკუთარ ეკონომიკურ სუიციდს მოაწერეს ხელი. ჩვენ 100 პროცენტით ამის წინააღმდეგი ვართ და გვებრალება ქვეყანა, რომელიც იმართება ხედვის არ მქონე ადამიანების მიერ . ქვეყნის სათავეშია ხალხი რომელსაც სიძულვილი ამოძრავებს და ამასობაში ქვეყენა სიღარიბის პირისპირაა. უფრო და უფრო მეტი ადამიანია ქვეყანაში, რომლისთვისაც საქართველოში ცხოვრება უკვე შეუძლებელია. სიმართლე გითხრათ , მომავლის მიმართაც ძალიან პესიმისტურად ვარ განწყობილი. ეს იქნება ბაზა რაც პოლიტიკურ და ეკონომიკურ არასტაბილურობას კიდევ უფრო გააღრმავებს. ღარიბაშვილის მთავრობა კატასტროფის რეცეპტი იქნება.
საერთაშორისო საზოგადოების რეაქციაც ნეგატიური იქნება, ისინი საჯარო განცხადებებს არ გააკეთებენ, მაგრამ დარწმუნებული ვარ დახურულ კარს მიღმა დიდი სახელმწიფოები ისაუბრებენ იმ ენაზე , რასაც საქართველო გაიგებს,“- განმარტავს ფადი ასლი.
მარიამ მორგოშია